'മിയ മുസ്ലീം' പരാമർശം: വിദ്വേഷ പ്രസംഗത്തിന് മുഖ്യമന്ത്രിക്കെതിരെ അസം പൊലീസ് കേസെടുത്തു

ഗുവാഹത്തി: ബംഗ്ലാദേശ് വംശജരായ മുസ്ലീം കുടിയേറ്റക്കാർക്കെതിരെ വിദ്വേഷ പ്രസംഗം നടത്തിയ അസം മുഖ്യമന്ത്രി ഹിമന്ത ബിശ്വ ശർമ്മയ്‌ക്കെതിരെ അസം പൊലീസ് കേസെടുത്തു. രാജ്യസഭാ എം.പി അജിത് ഭൂയാന്റെ പരാതിയിലാണ് എഫ്‌.ഐ.ആർ രജിസ്റ്റർ ചെയ്തത്. അസമിലെ ദിസ്പൂർ പൊലീസ് സ്റ്റേഷനിലാണ് അജിത് ഭൂയാൻ പരാതി നൽകിയത്.

മതത്തിന്റെയും വംശത്തിന്റെയും അടിസ്ഥാനത്തിൽ വ്യത്യസ്ത വിഭാഗങ്ങൾക്കിടയിൽ ശത്രുത വളർത്തുക എന്നതാണ് ഉദ്ദേശ്യമെന്ന് പ്രസ്താവനയെ സൂക്ഷ്മമായി പരിശോധിച്ചാൽ വ്യക്തമാകുമെന്ന് പരാതിയിൽ പറയുന്നു. ഇത്തരം പ്രസ്താവനകൾ സംസ്ഥാനത്തെ വിവിധ സമുദായങ്ങൾക്കിടയിൽ വിഭജനം സൃഷ്ടിക്കാൻ ഉദ്ദേശിച്ചുള്ളതാണെന്ന് അസം പൊലീസും വ്യക്തമാക്കി.

പച്ചക്കറിവില കുതിച്ചുയരാൻ കാരണം മിയ മുസ്ലിംകളാണെന്നായിരുന്നു ഹിമാന്ത ബിശ്വശർമയുടെ വിവാദ പരാമർശം. ബം​ഗാ​ളി​ൽ​നി​ന്ന് കു​ടി​യേ​റി​യ മി​യ മു​സ്‍ലിം സ​മു​ദാ​യ​ത്തി​ലെ ക​ച്ച​വ​ട​ക്കാ​ർ ​ഫ്ലൈ​ഓ​വ​റു​ക​ൾ​ക്ക് താ​ഴെ ന​ട​ത്തു​ന്ന ക​ട​ക​ൾ ഒ​ഴി​പ്പി​ക്കു​മെ​ന്നും മു​ഖ്യ​മ​ന്ത്രി ഭീ​ഷ​ണി​​പ്പെ​ടു​ത്തിയിരുന്നു. അ​സം ജ​ന​ത​യി​ൽ​നി​ന്ന് അ​വ​ർ കൂ​ടി​യ വി​ല വാ​ങ്ങു​ക​യാ​ണെ​ന്നും നാ​ട്ടു​കാ​രാ​യ ക​ച്ച​വ​ട​ക്കാ​ർ​ക്ക് ഒ​രി​ക്ക​ലും ഇ​ത്ര വി​ല​യ്ക്ക് വി​ൽ​ക്കാ​നാ​കി​ല്ലെ​ന്നും അ​ദ്ദേ​ഹം പ​റ​ഞ്ഞു. ഇ​വ​രെ ഒ​ഴി​പ്പി​ച്ചാ​ൽ അ​സ​മി​ലെ യു​വ​ത​ല​മു​റ​ക്ക് തൊ​ഴി​ല​വ​സ​ര​മൊ​രു​ങ്ങു​മെ​ന്നും ഹി​മ​ന്ത പ​റ​യു​ന്നു.

സമുദായങ്ങൾക്കിടയിൽ വിദ്വേഷം പ്രചരിപ്പിക്കാനാണ് മുഖ്യമന്ത്രി ഭാരതീയ ജനതാ പാർട്ടിയിൽ ചേർന്നതെന്ന് രാജ്യസഭാ എം.പി അജിത് ഭൂയാൻ കുറ്റപ്പെടുത്തി.

അതേസമയം, മുസ്‌ലിംകൾക്കെതിരായ വംശീയാധിക്ഷേപത്തിൽ അസം മുഖ്യമന്ത്രി ഹിമാന്ത ബിശ്വശർമയ്‌ക്കെതിരെ നടപടി ആവശ്യപ്പെട്ട് തൃണമൂൽ കോൺഗ്രസ് സുപ്രിംകോടതിക്ക് കത്തെഴുതി.