ഫലസ്തീന് പിന്തുണയറിയിച്ച് ബിരുദദാന ചടങ്ങിൽ നിന്നും ഇറങ്ങി വന്ന് യു.എസ് വിദ്യാർഥികൾ

വാഷിങ്ടൺ: ഫലസ്തീന് പിന്തുണയറിയിച്ച് ബിരുദദാന ചടങ്ങിൽ നിന്നും ഇറങ്ങി വന്ന് യു.എസ് വിദ്യാർഥികൾ. മസാച്ചുസെറ്റ്സ് ഇൻസ്റ്റിറ്റ്യൂട്ട് ഓഫ് ടെക്നോളജിയിലെ വിദ്യാർഥികളാണ് പ്രതിഷേധം രേഖപ്പെടുത്തി ബിരുദദാന ചടങ്ങിൽ നിന്നും ഇറങ്ങി വന്നത്.

ഫലസ്തീൻ അനുകൂല മുദ്രവാക്യം വിളിച്ച് ഇറങ്ങിവന്ന വിദ്യാർഥികൾ മസാച്ചുസെറ്റ്സ് അവന്യുവിൽ ട്രാഫിക് ബ്ലോക്ക് ചെയ്ത് ഫലസ്തീൻ അനുകൂല പ്രതിഷേധം നടത്തി. വിദ്യാർഥി പ്രതിഷേധത്തെ തുടർന്ന് 15 മിനിറ്റോളം ബിരുദദാന ചടങ്ങ് തടസപ്പെട്ടു. കഫീയ്യ ധരിച്ചാണ് പല വിദ്യാർഥികളും ചടങ്ങിന് വേണ്ടി എത്തിയത്.

ഇസ്രായേൽ പ്രതിരോധമന്ത്രാലയവുമായി ചേർന്ന് വിദ്യാഭ്യാസസ്ഥാപനം ഗവേഷണം നടത്തുന്നുണ്ടെന്നും ഇത് അംഗീകരിക്കാനാവില്ലെന്നും പ്രതിഷേധക്കാരിലൊരാളായ ഡേവിങ് ബെർകിൻസ്കി പറഞ്ഞു. ഗസ്സയിൽ ബിരുദദാരികളില്ല. ഒരു യൂനിവേഴ്സിറ്റി പോലും ഗസ്സയിൽ അവശേഷിക്കുന്നില്ല. എല്ലാം ഇസ്രായേൽ ബോംബിട്ട് തകർത്തുവെന്ന് കെമിസ്ട്രിയിൽ ഗവേഷണ ബിരുദം നേടിയ ഡേവിങ് ബെർകിൻസ്കി കൂട്ടിച്ചേർത്തു. നേരത്തെയും യുനിവേഴ്സിറ്റിയിൽ ഫലസ്തീൻ അനുകൂല പ്രതിഷേധം നടന്നിരുന്നു.

അതേസമയം, റ​ഫ​യി​ലെ ത​മ്പു​ക​ളി​ൽ ഇസ്രായേൽ കൂട്ടക്കുരുതി തുടരുകയാണ്. സൈ​നി​ക ടാ​ങ്കു​ക​ൾ ന​ട​ത്തി​യ ആ​ക്ര​മ​ണ​ത്തി​ൽ വ്യാ​ഴാ​ഴ്ച 37 പേ​ർ കൊ​ല്ല​പ്പെ​ട്ടു. 24 മ​ണി​ക്കൂ​റി​നി​ടെ ഗ​സ്സ​യി​ലാ​കെ 53 പേ​ർ​കൂ​ടി കൊ​ല്ല​പ്പെ​ട്ട​തോ​ടെ ആ​കെ മ​ര​ണം 36,224 ആ​യി. 81,777 പേ​ർ​ക്ക് പ​രി​ക്കു​ണ്ട്.

ല​ക്ഷ​ക്ക​ണ​ക്കി​ന് അ​ഭ​യാ​ർ​ഥി​ക​ൾ താ​മ​സി​ക്കു​ന്ന റ​ഫ​യു​ടെ പ​ടി​ഞ്ഞാ​റ​ൻ ഭാ​ഗ​മാ​യ ത​ൽ അ​സ്സു​ൽ​താ​നി​ൽ പ​രി​ക്കേ​റ്റ​വ​രെ ര​ക്ഷി​ക്കാ​ൻ ശ്ര​മി​ക്കു​ന്ന​തി​നി​ടെ ഫ​ല​സ്തീ​ൻ റെ​ഡ് ക്ര​സ​ന്റ് സൊ​സൈ​റ്റി​യി​ലെ ര​ണ്ട് അം​ഗ​ങ്ങ​ളെ ഇ​സ്രാ​യേ​ൽ സൈ​ന്യം ബോം​ബെ​റി​ഞ്ഞ് കൊ​ല​പ്പെ​ടു​ത്തി. അ​തി​നി​ടെ, ഫി​ലാ​ഡ​ൽ​ഫി ഇ​ട​നാ​ഴി എ​ന്ന​റി​യ​പ്പെ​ടു​ന്ന ഈ​ജി​പ്തു​മാ​യു​ള്ള ഗ​സ്സ അ​തി​ർ​ത്തി​യു​ടെ മു​ഴു​വ​ൻ നി​യ​ന്ത്ര​ണ​വും പി​ടി​ച്ചെ​ടു​ത്ത​താ​യി ഇ​സ്രാ​യേ​ൽ സൈ​ന്യം അ​റി​യി​ച്ചു.