പൊലീസ്​ അന്വേഷിക്കുന്ന തബ്​ലീഗ്​ നേതാവി​ന്‍റെ ശബ്​ദസന്ദേശം പുറത്ത്

ന്യൂഡൽഹി: ഡൽഹി നിസാമുദ്ദീനിലെ മർകസിൽ അപകടകരമായ സാഹചര്യത്തിൽ ആളുകളെ ഒരുമിച്ച്​ കൂടാൻ പ്രചോദിപ്പിച്ചതിന്​ പ ൊലീസ്​ അന്വേഷിക്കുന്ന തബ്​ലീഗ്​ ജമാഅത്ത്​ നേതാവ്​ മൗലാനാ മുഹമ്മദ്​ സഅദ്​ കാന്തൽവിയുടെ രണ്ട്​ ശബ്​ദസന്ദേശങ ്ങൾ പുറത്ത്​. മാർച്ച്​ 28 മുതൽ ഒളിവിൽ പോയ ഇദ്ദേഹത്തിനായി പൊലീസ്​ ഉൗർജിത അന്വേഷണങ്ങൾ നടത്തുന്നതിനിടെയാണ്​ മർക സ്​ യൂട്യൂബ്​ ചാനൽ വഴി ശ്​ബദ സന്ദേശം പുറത്ത്​ വന്നത്​.

ഡോക്​ടറുടെ നിർദേശ പ്രകാരം സമൂഹ സമ്പർക്കം ഒഴിവാക്ക ി കഴിയുകയാണെന്നാണ്​ അദ്ദേഹം ശബ്​ദ സന്ദേശത്തിൽ പറയുന്നത്​. ആദ്യ സന്ദേശത്തിൽ, മരിക്കാൻ നല്ലയിടം പള്ളിയാണെന്നും കോവിഡ്​ വൈറസിന്​ ദോഷമൊന്നും ചെയ്യാനാകില്ലെന്നും പറഞ്ഞ അദ്ദേഹം, രണ്ടാമത്തെ സന്ദേശത്തിൽ അധികൃതരുടെ നിർദേശങ്ങൾ അനുസരിക്കേണ്ടതി​​​​​​െൻറയും മുൻകരുതൽ സ്വീകരിക്കേണ്ടതി​​​​​​െൻറയും പ്രാധാന്യം ആണ്​ പറയുന്നത്​.

മനുഷ്യർ ചെയ്​ത്​ കൂട്ടിയ പാപത്തി​​​​​​െൻറ ഫലമാണ്​ അനുഭവിക്കുന്നതെന്നും വീടുകളിൽ കഴിയുകയാണ്​ ഇപ്പോൾ ദൈവകോപം ശമിപ്പിക്കാൻ വേണ്ടതെന്നും അദ്ദേഹം പറയുന്നു. സമുഹ സമ്പർക്കം ഒഴിവാക്കുന്നത്​ മതത്തി​നോ മതനിയമങ്ങൾക്കോ എതിരല്ലെന്നും മൗലാനാ സഅദ്​ പറയുന്നു.

നേരത്തെ, സമൂഹ സമ്പർക്ക വിലക്കുകൾക്ക്​ എതിരായി സംസാരിച്ചതായും ആളുകളെ ഒരുമിച്ച്​ കൂട്ടാൻ ​പ്രേരിപ്പിച്ചതായും പൊലീസ്​ കണ്ടെത്തിയ മൗലാനാ സഅദ്​​ കോവിഡ്​ സംശയിക്കുന്ന വ്യക്​തിയാണ്​. ഇദ്ദേഹത്തിനായി ആശുപത്രികളിലടക്കം അന്വേഷണം വ്യാപിപ്പിച്ചിട്ടുണ്ട്​.

തബ്ലീഗ്​ ജമാഅത്തി​​​​​െൻറ ആസ്​ഥാനമായ മർകസിലെ പരിപാടികളുമായി ബന്ധപ്പെട്ട 400 ഒാളം ആളുകൾക്ക്​ കോവിഡ്​ സ്​ഥിരീകരിച്ചിട്ടുണ്ടെന്നാണ്​ ഇതുവരെയുള്ള കണക്ക്​. മർകസിലെ പരിപാടികളിൽ പ​െങ്കടുത്ത തമിഴ്​നാട്ടിൽ നിന്നുള്ള 190 പേർ​ക്ക്​ കോവിഡ്​ സ്​ഥിരീകരിച്ചിട്ടുണ്ട്​. ആന്ദ്രയിൽ നിന്ന്​ 71, ഡൽഹിയിൽ നിന്ന്​ 53, തെലുങ്കാനയിൽ നിന്ന്​ 28, അസമിൽ നിന്ന്​ 13, മഹാരാഷ്​ട്രയിൽ നിന്ന്​ 12, അന്തമാനിൽ നിന്ന്​ 10, ജമ്മു കാശ്​മീരിൽ നിന്ന്​ 6, ഗുജറാത്തിൽ നിന്നും പു​തുച്ചേരിയിൽ നിന്നും രണ്ട്​ പേർക്ക്​ വീതവും ഇതുവരെ കോവിഡ്​ സ്​ഥിരീകരിച്ചിട്ടുണ്ട്​.

കഴിഞ്ഞ മാസം നിസാമുദ്ദീനിലെ മർകസ്​ സന്ദർശിക്കുകയും അവിടെ പരിപാടികൾക്കായി ദിവസങ്ങളോളം താമസിക്കുകയും ചെയ്​തതായി കരുതുന്ന വിദേശികളടക്കം 9000 ആളുകളെ തിരിച്ചറിഞ്ഞിട്ടുണ്ടെന്നാണ്​ ആഭ്യന്തരമന്ത്രാലയം നേരത്തെ അറിയിച്ചത്​​.