ബിഹാറിലെ സ്വാധർ ഗൃഹത്തിലെ അ​േന്തവാസികളെ കാണാനില്ല; പീഡിപ്പിക്കപ്പെട്ടുവെന്ന്​​ സംശയം

പാട്​ന: മുസഫർപൂർ അഭയകേന്ദ്രത്തിൽ അന്തേവാസികളായ 34 പെൺകുട്ടികൾ പീഡനത്തിനിരയായ സംഭവം കത്തിനിൽക്കുന്നതിനിടെ ബിഹാറി​െല മറ്റൊരു അഭയ കേന്ദ്രത്തിൽ നിന്ന്​ 11 അന്തേവാസികളെ കാണാനില്ലെന്ന്​ പരാതി. മുസഫർപൂർ കേസിൽ മുഖ്യപ്രതിയായ ബ്രിജേഷ്​ താക്കൂർ നടത്തുന്ന സ്വാധർ ഗൃഹ്​ എന്ന അഭയകേന്ദ്രത്തിൽ നിന്നാണ്​​ 11 പെൺകുട്ടികളെ കാണാതായിരിക്കുന്നത്​. സംഭവം അറിഞ്ഞ ഉടൻ ജില്ലാ പൊലീസ്​ അഭയ​േ​കന്ദ്രത്തിൽ പരിശോധന നടത്തി. അന്തേവാസികൾ പീഡനത്തിനിരയായിട്ടുണ്ടെന്ന്​ സംശയിക്കുന്ന തരത്തിൽ കോണ്ടം, ലൈംഗിക ഉത്തേജക മരുന്നുകൾ, മദ്യക്കുപ്പികൾ തുടങ്ങി നിരവധി സംശയകരമായ വസ്​തുക്കൾ പൊലീസ്​ പരിശോധനയിൽ പിടിച്ചെടുത്തിട്ടുണ്ട്​. ഇതോടൊപ്പം കമ്പ്യൂട്ടറുകളും ചില രേഖകളും പൊലീസ്​ പിടികൂടി. 

സ്വാധർ ഗൃഹത്തി​​​െൻറ വളപ്പിലായിരുന്നു ബ്രിജേഷ്​ താക്കൂറി​​​െൻറ നേതൃത്വത്തിലുള്ള സേവാ സങ്കൽപ്​ ഇവം വികാസ്​ സമിതി എന്ന സംഘടനയു​െട ആസ്​ഥാനം പ്രവർത്തിച്ചിരുന്നതെന്ന്​ കേസ്​ അന്വേഷിക്കുന്ന മുസഫർ നഗർ എസ്​.എസ്​.പി ഹർപ്രീത്​ കൗർ പറഞ്ഞു. ബ്രിജേഷും സഹായി മധു കുമാരിയും കൂടിയാണ്​ സന്നദ്ധ സംഘടന നടത്തിയിരുന്നത്​. മധുകുമാരി നിലവിൽ ഒളിവിലാണ്​. 

സാമൂഹിക ക്ഷേമ വിഭാഗം മാർച്ച്​ 20ന്​ നടത്തിയ പരി​േശാധനയിൽ ഇവിടെ 11 അന്തേവാസികൾ ഉണ്ടായിരുന്നു. എന്നാൽ ജൂൺ ഒമ്പതിന്​ ​അഭയകേന്ദ്രം അടച്ചു പൂട്ടിയെന്നും അന്തേവാസികളെ കാണാനി​ല്ലെന്നും സാമൂഹിക ക്ഷേമ വിഭാഗം അധികൃതർ അറിഞ്ഞിരുന്നു​. പക്ഷേ, 52 ദിവസം വൈകിയാണ്​ അധികൃതർ പരാതി നൽകിയത്​. ഇത്​ സംശയാസ്​പദമാണെന്ന്​ വനിതാ കമീഷൻ ആരോപിച്ചു. എന്നാൽ വിഷയം ​ക്ഷേമ വകുപ്പ്​ ആസ്​ഥാനത്ത്​ അറിയിച്ച്​ അനുമതി ലഭിക്കുന്നതിന്​ വൈകിയതിനാലാണ്​ പരാതി നൽകാൻ വൈകിയതെന്ന്​ അസിസ്​റ്റൻറ്​ വെൽഫെയർ ഡയറക്​ടർ ദിവേഷ്​ ചന്ദ്ര ശർമ പറഞ്ഞു. ജൂൺ 22 ന്​ ആസ്​ഥാനത്ത്​ അറിയിച്ചിരുന്നു. ജൂലൈ 20 നാണ്​ അനുമതി ലഭിച്ചത് എന്നും അദ്ദേഹം പറഞ്ഞു. 

അനാഥരോ ഉപേക്ഷിക്കപ്പെട്ടവരോ ആയ അന്തേവാസികളെ കാണാതായത്​ എങ്ങനെയെന്നതിന്​ സാമൂഹിക ക്ഷേമ വിഭാഗം മറുപടി നൽകണമെന്ന്​ വനിതാ കമീഷൻ ആവശ്യപ്പെട്ടു. കമീഷന്​ റിപ്പോർട്ട്​ നൽകാൻ വകുപ്പിനോട്​ പലതവണ ആവശ്യപ്പെട്ടിരുന്നു. അന്വേഷണത്തിന്​ രണ്ടു ദിവസം വേണമെന്നും അതിനു ശേഷം റിപ്പോർട്ട്​ നൽകാമെന്നും അറിയിച്ച വകുപ്പ്​ അധികൃതർ പിന്നീട്​  ഫോൺ എടുക്കുന്നില്ലെന്നും വനിതാ കമീഷൻ പരാതിപ്പെട്ടു. സാമൂഹിഷ ക്ഷേമ വകുപ്പ്​ സംഭവം മറച്ചുവെക്കാനും തെളിവുകൾ നശിപ്പിക്കുവാനും കൂട്ടു നിൽക്കുകയാണെും അവർ ആരോപിച്ചു.