യു.പിയിൽ പ്രണയബന്ധത്തിന്​ തടസം നിന്ന സഹോദരിയെ കാമുകനൊപ്പം ചേർന്ന്​ കൊലപ്പെടുത്തി

മിർസാപൂർ (ഉത്തർപ്രദേശ്​): പ്രണയബന്ധത്തിന്​ തടസം നിന്നതിനെതുടർന്ന്​ പെൺകുട്ടി 10 വയസുകാരിയായ സഹോദരിയെ കാമുക​െൻറ സഹായത്തോടെ വകവരുത്തിയതായി പൊലീസ്​ പറഞ്ഞു.

രണ്ട്​ സഹോദരിമാരെ കാണാതായതായി പരാതി ലഭിച്ച്​ രണ്ട്​ ദിവസങ്ങൾക്ക്​ ശേഷമാണ്​ ഒരു കുട്ടിയുടെ മൃതദേഹം ദുരൂഹ സാഹചര്യത്തിൽ കണ്ടെത്തുകയായിരുന്നു. മിർസാപൂരിനടുത്ത ഭരൂഹിയ ഗ്രാമത്തിലെ റെയിൽവേ ട്രാക്കിന്​ സമീപത്ത്​ നിന്നാണ്​ മൃതദേഹം ലഭിച്ചത്​.

'ഒക്​ടോബർ ഒന്നിന്​ വൈകീട്ട്​ നാല്​ മണി മുതലാണ്​ ദിലീപ്​ സിങ്​ എന്നയാളുടെ 15ഉം 10 വയസായ പെൺകുട്ടികളെ കാണാതായത്​. പാദ്രി സ്​റ്റേഷനിൽ പരാതി ലഭിച്ചതിനെ തുടർന്ന്​ പൊലീസ്​ അന്വേഷണം ആരംഭിച്ചു. ശേഷം മുതിർന്ന കു​ട്ടിയെ കാമുകനൊപ്പം ബൈക്കിൽ കണ്ടെത്തി. ഇളയ സഹോദരിയെ റെയിൽവേ ട്രാക്കിന്​ സമീപം മരിച്ചനിലയിലും കാണപ്പെട്ടു'- എ.എസ്​.പി സഞ്​ജയ്​ വർമ പറഞ്ഞു.

സഹോദരി പ്രണയബന്ധത്തിന്​ തടസം നിന്നതിനെ തുടർന്ന്​ കാമുക​െൻറ സഹായത്തോടെ കൃത്യം നിർവഹിക്കുകയായിരുന്നുവെന്ന്​ അദ്ദേഹം കൂട്ടിച്ചേർത്തു.

പെൺകുട്ടിയുടെ മൃതദേഹം പോസ്​റ്റ്​മോർട്ടത്തിനയച്ചു. ചുരുങ്ങിയ സമയത്തിനുള്ളിൽ കേസ്​ തെളിയിച്ച അന്വേഷണ സംഘത്തിന്​ 25000 രൂപ പാരിതോഷികം പ്രഖ്യാപിച്ചതായി എ.എസ്​.പി അറിയിച്ചു.