മോദിഭരണത്തിൽ ന്യൂനപക്ഷങ്ങൾ സുരക്ഷിതർ -ന്യൂനപക്ഷ കമീഷൻ അധ്യക്ഷൻ
text_fieldsന്യൂഡൽഹി: പ്രധാനമന്ത്രി നരേന്ദ്ര മോദിയുടെ ഭരണത്തിൽ രാജ്യത്തെ ന്യൂനപക്ഷങ്ങൾ നൂറുശതമാനവും സുരക്ഷിതരാണെന്ന് ദേശീയ ന്യൂനപക്ഷ കമീഷൻ അധ്യക്ഷൻ ഇഖ്ബാൽ സിങ് ലാൽപുര. വിദ്വേഷ സംഭവങ്ങൾ ന്യൂനപക്ഷങ്ങൾക്കിടയിൽ പ്രചരിപ്പിക്കുന്നത് തടയുന്നതിനായിരിക്കും തെൻറ പ്രഥമ പരിഗണനയെന്നും ലാൽപുര പറഞ്ഞു.
കമീഷൻ അധ്യക്ഷനായി ചുമതലയേറ്റ് സംസാരിക്കുകയായിരുന്നു അദ്ദേഹം. കലാപങ്ങളുടെയും ആൾക്കൂട്ടക്കൊലകളുടെയും കണക്കെടുത്താൽ അവ കുറഞ്ഞുവരുന്നതായാണ് കാണിക്കുന്നതെന്നും അദ്ദേഹം പറഞ്ഞു. പഞ്ചാബിൽനിന്നുള്ള ബി.ജെ.പി വക്താവായിരുന്ന ഇഖ്ബാൽ സിങ് ലാൽപുര സിഖ് സമുദായത്തിൽനിന്ന് ഈ പദവിയിലെത്തുന്ന രണ്ടാമത്തെ വ്യക്തിയാണ്.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.