വാഹനാപകടത്തിൽ പരിക്കേറ്റ കേന്ദ്ര മന്ത്രിക്ക്​ ​ശസ്​ത്രക്രിയ; ആരോഗ്യനില തൃപ്​തികരം

പനാജി: കഴിഞ്ഞ ദിവസമുണ്ടായ വാഹനാപകടത്തിൽ പരിക്കേറ്റ്​ ഗോവ മെഡിക്കൽ കോളജ്​ ആശുപത്രിയിൽ പ്രവേശിപ്പിച്ച കേന്ദ്ര പ്രതിരോധ, ആയുഷ്​ വകുപ്പ്​ സഹമന്ത്രി ശ്രീപദ്​ നായിക്കിനെ ശസ്​ത്രക്രിയക്കു​ വിധേയനാക്കി. കൈകൾക്കും കാലിനും പരിക്കേറ്റ 68കാരനായ ​മന്ത്രിയുടെ ആരോഗ്യനില തൃപ്​തികരമാണെന്നും അപകടനില തരണംചെയ്​തുവെന്നും ആശുപത്രി വൃത്തങ്ങൾ അറിയിച്ചു.

തിങ്കളാഴ്​ച രാത്രി ഒമ്പതു മണിയോടെ കർണാടകയിലെ അ​ങ്കോളക്കടുത്ത ഹൊസകംബിയിൽ മന്ത്രിയും കുടുംബവും സഞ്ചരിച്ച കാർ മറിഞ്ഞ്​ മന്ത്രിയുടെ ഭാര്യ വിജയയും ​േപഴ്​സനൽ സെക്രട്ടറി ദീപക്​ ദുബെയും മരിച്ചിരുന്നു. നോർത്ത്​ ഗോവയിലെ ബി.ജെ.പി എം.പിയായ ശ്രീപദ്​ നായിക്​​ ധർമസ്​ഥലയിൽനിന്ന്​ ഗോവയിലേക്കു​ മടങ്ങുേമ്പാഴായിരുന്നു അപകടം. രാത്രി 11 മണിയോടെയാണ്​ മന്ത്രിയെ ഗോവ മെഡിക്കൽ കോളജിലേക്കു​ മാറ്റിയത്​.

പ്രതിരോധമന്ത്രി രാജ്​നാഥ്​ സിങ്​​ ശ്രീ​പദ്​ നായിക്കിനെ ആശുപത്രിയിൽ സന്ദർശിച്ചു. ആവശ്യമെങ്കിൽ മന്ത്രിയെ ഡൽഹിയിലേക്കു​ മാറ്റുമെന്ന്​ രാജ്​നാഥ്​ മാധ്യമപ്രവർത്തകരോട്​ പറഞ്ഞു. ഡോക്​ടർമാരുമായി അദ്ദേഹം സംസാരിച്ചു. ഡൽഹിയിലെ ഓൾ ഇന്ത്യ ഇൻസ്​റ്റിറ്റ്യൂട്ട്​ ഓഫ്​ മെഡിക്കൽ സയൻസസിലെ (എയിംസ്​) വിദഗ്​ധ ഡോക്​ടർമാർ ഗോവ മെഡിക്കൽ കോളജിലെ ഡോക്​ടർമാരുമായി ചേർന്ന്​ ചികിത്സ ഏകോപിപ്പിക്കും.