കിച്ച്​ഡി ദേശീയ ഭക്ഷണമായി പ്രഖ്യാപിക്കി​ല്ലെന്ന്​​ കേന്ദ്രമന്ത്രി

ന്യൂഡൽഹി: ഉത്തരേന്ത്യൻ വിഭവമായ കിച്ച്​ഡി ദേശീയ ഭക്ഷണമായി പ്രഖ്യാപിക്കു​െമന്ന​ വാർത്തകൾ കേന്ദ്ര ഭക്ഷ്യവിഭവ വകുപ്പ്​ മന്ത്രി ഹർസിമൃത്​ കൗർ ബാദൽ നിഷേധിച്ചു. സർക്കാർ അത്തരമൊരു തീരുമാനം എടുത്തിട്ടില്ലെന്ന്​ മന്ത്രി ട്വിറ്ററിലൂടെ അറിയിച്ചു. 

റെക്കോർഡ്​ ലക്ഷ്യംവെച്ച്​ പ്രശസ്​ത ഷെഫ്​ സഞ്​ജീവ്​ കപൂർ 800 കിലോ കിച്ച്​ഡി നിർമിക്കുന്നുണ്ട്​. നവംബർ മൂന്നിന്​ തുടങ്ങുന്ന​​ ലോക ഭക്ഷ്യമേള കോൺഫെഡറേഷൻ ഒാഫ്​ ഇന്ത്യൻ ഇൻഡസ്​ട്രിയും കേന്ദ്ര ഭക്ഷ്യ വകുപ്പും ചേർന്നാണ്​ സംഘടിപ്പിക്കുന്നത്​.  ആഗോളതലത്തിൽ ഇന്ത്യൻ ഭക്ഷണം പ്രചരിപ്പിക്കുക കൂടി ലക്ഷ്യമിട്ടാണ്​ റെക്കോർഡ്​ പ്രകടനത്തിന്​ മുതിരുന്നത്​. ഇൗ റിപ്പോർട്ട്​ പ്രചരിച്ചതോടെയാണ്​ കിച്ച്ഡി ദേശീയ ഭക്ഷണമായി പ്രഖ്യാപിക്കുമെന്ന വാർത്തകളും പരക്കാൻ തുടങ്ങിയത്​. 

ധാന്യങ്ങളും പയർവർഗങ്ങളും മസാല ചേർത്ത്​ നിർമിക്കുന്ന  ഭക്ഷണപദാർഥമാണ്​ കിച്ച്​ഡി. ഇന്ത്യയുടെ നാനാത്വത്തിൽ ഏകത്വം എന്ന സംസ്​കാരത്തെ പ്രതിനിധീകരിക്കുന്ന ഭക്ഷണമായതിനാലാണ്​ ലോക ഭക്ഷ്യമേളയിൽ ബ്രാൻഡ്​ ഇന്ത്യ ഫുഡായി കിച്ച്​ഡി അവതരിപ്പിക്കുന്നതെന്ന്​ കേന്ദ്ര ഭക്ഷ്യമന്ത്രി അറിയിച്ചു. പണക്കാരും പാവപ്പെട്ടവരും ഒരുപോലെ ആസ്വദിക്കുന്ന ഭക്ഷണമാണ്​ കിച്ച്​ഡി. 

800 കിലോ കിച്ച്​ഡി ഉണ്ടാക്കാൻ ഏഴടി വ്യാസമുള്ള 1000 ലിറ്ററി​​െൻറ ഫ്രൈയിങ്ങ്​ പാനാണ്​ ഉപയോഗിക്കുക. ഇങ്ങനെ നിർമിക്കുന്ന കിച്ച്​ഡി പരിപാടിയിൽ ​പ​െങ്കടുക്കുന്നവർക്കും 60,000ഒാളം അനാഥക്കുട്ടികൾക്കും നൽകുമെന്നും അധികൃതർ അറിയിച്ചു.