മഹാരാഷ്​ട്രയിൽ ബസ്​ നദിയിലേക്ക്​ മറിഞ്ഞ്​ 12 മരണം

മുംബൈ: പടിഞ്ഞാറൻ മഹാരാഷ്​ട്രയിൽ ബസ്​ നദിയിലേക്ക്​ മറിഞ്ഞ്​ 12 പേർ മരിച്ചു. 17 യാത്രക്കാരുമായി പോവുകയായിരുന്ന ബസ്​ കോൽഹപുരിലെ പാഞ്ച്​ഗംഗ നദിയിലേക്കാണ്​ മറിഞ്ഞത്​. അപകടത്തിൽ മൂന്നു പേർക്ക്​ പരിക്കേറ്റു. 

വെള്ളിയാഴ്​ച രാത്രി 11.45 ഒാടെ ശിവാജി പാലത്തിലാണ്​​ സംഭവം. ഗൺപതിപുലിൽ  നിന്ന്​ പുനെയിലേക്ക്​ പോവുകയായിരുന്ന ബസ്​ പാലത്തിലെത്തിയപ്പോൾ നിയന്ത്രണം വിട്ട്​ നദിയിലേക്ക്​ മറിയുകയായിരുന്നു. 

പൊലീസും അഗ്​നിശമന സേനയും രംഗത്തെത്തി രക്ഷാ പ്രവർത്തനം നടത്തി.