ബംഗാളിന്റെ പല ഭാഗങ്ങളും 'മിനി കശ്മീർ' -വിവേക് അഗ്നിഹോത്രി

കൽക്കത്ത: പശ്ചിമ ബംഗാളിൽ ഭരണകക്ഷിയായ തൃണമൂൽ കോൺഗ്രസിന്‍റെയും മുഖ്യമന്ത്രി മമത ബാനർജിയുടെയും പ്രവർതതനഫലമായി സംസ്ഥാനത്തിന്റെ പല ഭാഗങ്ങളും" മിനി കശ്മീർ’’ ആയി മാറിയെന്ന് ഹിന്ദുത്വ പ്രൊപഗൻഡ സിനിമയായ ‘ദി കശ്മീർ ഫയൽസ്​’ സംവിധായകൻ വിവേക് അഗ്നിഹോത്രി ആരോപിച്ചു. "ഇന്ത്യയുടെ പൈതൃകം കശ്മീർ മുതൽ ബംഗാൾ വരെ" എന്ന വിഷയത്തിൽ സംഘടിപ്പിച്ച സെമിനാറിൽ സംബന്ധിച്ച്​ സംസാരിക്കുകയായിരുന്നു അഗ്​നിഹോത്രി.

അഴിമതി, വിലകുറഞ്ഞ ആരോപണ പ്രത്യാരോപണങ്ങൾ, സാമുദായിക കലാപം എന്നിവയാണ്​ പടിഞ്ഞാറൻ ബംഗാളിൽ അരങ്ങേറിക്കൊണ്ടിരിക്കുന്നതെന്നും വിവേക്​ അഗ്​നിഹോത്രി ആരോപിച്ചു. ബംഗാളിനെക്കുറിച്ചുള്ള യഥാർത്ഥ കഥ സിനിമയാക്കാനുള്ള ശ്രമത്തിലാണെന്നും മുഴുവൻ ബംഗാളും കശ്മീർ ആയിത്തീരുന്നതിന് മുമ്പ് താൻ ആ ജോലി പൂർത്തിയാക്കുമെന്നും അഗ്​നിഹോത്രി പറഞ്ഞു.