ആന്ധ്രയിൽ മിനി ബസ്​ ട്രക്കിലിടിച്ച്​ നാല്​ സ്​പെയിൻകാർ മരിച്ചു

ചിറ്റൂർ: ആന്ധ്രപ്രദേശിലെ ചിറ്റൂരിൽ മിനി ബസ്​ കണ്ടെയ്​നർ ട്രക്കിലിടിച്ച്​ നാലു വി​ദേശികളടക്കം അഞ്ചു പേർ മരിച്ചു. ബസ്​ യാത്രികരായ നാലു സ്​പാനിഷ്​ പൗരൻമാരും ബസ്​ ഡ്രൈവറുമാണ്​ മരിച്ചത്​. രണ്ടു സ്പെയിൻകാർക്ക്​ പരിക്കേൽക്കുകയും ചെയ്​തു. 

പുതുച്ചേരിയിൽ നിന്ന്​ അനന്തപുരം ജില്ലയിലേക്ക്​ പോവുകയായിരുന്ന സ്​പെയിൻകാരാണ്​ അപകടത്തിൽ പെ​ട്ടത്​. മദനപ്പള്ളി-പുങ്കനൂരു റോഡിലെ ഒരു വളവിലാണ്​ അപകടം നടന്നത്​. സ്​​െപയിൻ ആസ്​ഥാനമായ ഒരു ട്രസ്​റ്റ്​ അനന്തപുരം ജില്ലയിൽ നടത്തുന്ന ഗ്രാമ വികസന പദ്ധതികൾ വിലയിരുത്താ​െനത്തിയ സംഘമാണ്​ അപകടത്തിൽ പെട്ടത്​.