അത്​ലറ്റിക്​ ഇതിഹാസം മിൽഖാ സിങ്ങിന്​ കോവിഡ്​

പതിറ്റാണ്ടുകൾക്ക്​ മുമ്പ്​ മുഴുവൻ ഇന്ത്യക്കാരുടെയും പ്രാർഥനകളുമായി ട്രാക്കിൽ കുതിച്ചിരുന്ന അത്​ലറ്റിക്​ ഇതിഹാസം മിൽഖാ സിങ്ങിന്​ കോവിഡ്​ സ്​ഥിരീകരിച്ചു. 91 കാരനായ മിൽഖാ സിങ്ങിന്​ ശാരീരിക അസ്വസ്​ഥതകളോ മറ്റു പ്രശ്​നങ്ങളോ അനുഭവപ്പെട്ടിട്ടില്ലെന്ന്​ അദ്ദേഹത്തി​െൻറ പത്​നിയെ ഉദ്ധരിച്ച്​ ഇൻഡ്യ ടുഡെ റിപ്പോർട്ട്​ ചെയ്​തു. രാവിലത്തെ ജോഗിങ്​ കഴിഞ്ഞെത്തിയപ്പോഴാണ്​ കോവിഡ്​ സ്​ഥിരീകരിച്ച വിവരം അറിഞ്ഞ​െതന്നും അദ്​ഭുതപ്പെട്ടുവെന്നും മിൽഖ സിങ്​ പറഞ്ഞു. ചണ്ഡിഗഡിലെ വീട്ടിൽ ക്വാറൻറീനിലാണ്​ ഇപ്പോൾ.

വീട്ടു ജോലിക്കാരിക്ക്​ കോവിഡ്​ സ്​ഥിരീകരിച്ചതിനെ തുടർന്നാണ്​ മിൽഖാ സിങ്​ കോവിഡ്​ പരിശോധന നടത്തിയത്​. ലക്ഷണങ്ങളൊന്നും ഇല്ലെങ്കിലും കോവിഡ്​ സ്​ഥിരീകരിക്കുകയായിരുന്നു.

'പറക്കും സിങ്​' എന്നായിരുന്നു മിൽഖ സിങ്​ അറിയപ്പെട്ടിരുന്നത്​. 1960 ​ലെ ഒളിമ്പിക്​സിൽ 400 മീറ്ററിൽ സെക്കൻറി​െൻറ പത്തിലൊരു ഭാഗം സമയത്തി​െൻറ വ്യത്യാസത്തിലാണ്​ അദ്ദേഹത്തിന്​ മെഡൽ നഷ്​ടപ്പെട്ടത്​. കോമൺവെൽത്ത്​ ഗെയിംസിൽ ഇന്ത്യക്കായി ആദ്യമായി സ്വർണം നേടിയത്​ മിൽഖ സിങ്ങായിരുന്നു.