ഡൽഹി സൈനികാശുപത്രിയിൽ 24 പേർക്ക്​ കോവിഡ്​ 

ന്യൂഡല്‍ഹി: ഇന്ത്യന്‍ ആര്‍മിയുടെ ഡല്‍ഹി റിസര്‍ച്ച് ആന്‍ഡ് റെഫറല്‍ ആശുപത്രിയില്‍ 24 പേര്‍ക്ക് കോവിഡ് വൈറസ്​ ബാധ സ്ഥിരീകരിച്ചു. സൈനികരും സേനയിൽ നിന്നും വിരമിച്ചവരുമാണ്​ ആർമി ഹോസ്​പിറ്റലിൽ ചികിത്സയിലുള്ളത്​. കൂടുതല്‍ രോഗികളുടെ പരിശോധനാഫലം  പുറത്തുവരാനു​െണ്ടന്നും അധികൃതർ അറിയിച്ചു.

കാൻസർ ചികിത്സക്കായി ഒ​ങ്കോളജി വിഭാഗത്തിൽ പ്രവേശിപ്പിക്കപ്പെട്ടവർക്കാണ്​ വൈറസ്​ ബാധ കണ്ടെത്തിയിരിക്കുന്നത്​. ഇവരെ ബേസ് ആശുപത്രിയിലേക്ക് മാറ്റിയതായി കരസേനാ വൃത്തങ്ങള്‍ അറിയിച്ചു. 

ഇതുവരെ സൈനികാശുപത്രിയിലെ ആരോഗ്യപ്രവർത്തകരിൽ ആർക്കും കോവിഡ്​ സ്ഥിരീകരിച്ചിട്ടില്ല.  മാർച്ചിലാണ്​ ഇന്ത്യൻ ആർമിയിൽ ആദ്യ കോവിഡ്​ കോവിഡ്​ കേസ്​ റിപ്പോർട്ട്​ ചെയ്​തത്​.