കശ്​മീരിലെ ബുദ്​ഗാമിൽ തീവ്രവാദി കൊല്ലപ്പെട്ടു

ശ്രീനഗർ: ജമ്മുകശ്​മീരിലെ ബുദ്​ഗാമിൽ സുരക്ഷാ സേനയുമായുണ്ടായ ഏറ്റുമുട്ടലിൽ തീവ്രവാദി കൊല്ലപ്പെട്ടു. വെള്ളി യാഴ്​ച പുലർച്ചെയാണ്​ ഏറ്റുമുട്ടലുണ്ടായത്​.

ചെക്​പോരയിൽ നൗഗാം എരിയയിൽ തീവ്രവാദികളുടെ സാന്നിധ്യമുണ്ടെന്ന്​ കണ്ടെത്തിയതിനെ തുടർന്ന്​ സൈന്യം പ്രദേശം വളയുകയായിരുന്നു. തുടർന്ന്​ തീവ്രവാദികളും സൈന്യവും തമ്മിൽ വെടിവെപ്പുണ്ടായി. ഈ സംഭവത്തിലാണ്​ ഒരാൾ കൊല്ലപ്പെട്ടതെന്ന്​ പൊലീസ്​ അറിയിച്ചു.

പ്രദേശത്തെ വെടിവെപ്പ്​ അവസാനിച്ചുവെങ്കിലും തീവ്രവാദികൾ ഒളിച്ചിരിക്കു​ന്നുണ്ടെന്ന സംശയത്തെ തുടർന്ന്​ സൈന്യം തിരച്ചിൽ തുടരുകയാണ്​.