ഹിമാചലിൽ മിഗ്​-21 യുദ്ധവിമാനം​ തകർന്ന്​ പൈലറ്റ്​ കൊല്ലപ്പെട്ടു

ന്യൂഡൽഹി: ഹിമാചൽപ്രദേശ്​ ജ്വാലി സബ്​ഡിവിഷനിൽ മിഗ്​ 21 യുദ്ധവിമാനം തകർന്ന്​ വീണ്​ പൈലറ്റ്​ കൊല്ലപ്പെട്ടു. ഹിമാചലിലെ കാഗ്ര ജില്ലയിലെ ജാട്ടിയാൻ ഗ്രാമത്തിലാണ്​ വിമാനം തകർന്ന്​ വീണത്​. 

പഞ്ചാബിലെ പത്താൻകോട്ടിൽ നിന്ന്​ പുറപ്പെട്ട ധർമശാലക്ക്​ 55 കിലോ മീറ്റർ അകലെ തകർന്ന്​ വീഴുകയായിരുന്നു​. രക്ഷാപ്രവർത്തകർ സംഭവസ്ഥലത്തേക്ക്​ പുറപ്പെട്ടിട്ടുണ്ട്​. 

ജൂൺ മാസത്തിൽ മുംബൈയിലെ തിരക്കേറിയ സ്ഥലത്ത്​ വിമാനം തകർന്ന്​ വീണ്​ അഞ്ച്​ പേർ കൊല്ലപ്പെട്ടിരുന്നു. ഇതിൽ നാല്​ പേർ വിമാനം ജീവനക്കാരായിരുന്നു.