കശ്​മീർ: ഉന്നതതല ചർച്ചയുമായി ആഭ്യന്തരമന്ത്രാലയം

ന്യൂഡൽഹി: ജമ്മുകശ്​മീർ പുനഃസംഘടന പ്രാബല്യത്തിൽ കൊണ്ടുവരുന്നത്​ സംബന്ധിച്ച്​ കേന്ദ്ര ആഭ്യന്തരമന്ത്രാലയം ഉ ന്നതതലയോഗം വിളിച്ചു. ഹോം സെക്രട്ടറിയുടെ നേതൃത്വത്തിൽ നോർത്ത്​ ​േബ്ലാക്കിലാണ്​ കശ്​മീരിനെ രണ്ട്​ കേന്ദ്ര ഭരണപ്രദേശങ്ങളാക്കി മാറ്റുന്ന പുനഃസംഘടനാ നിയമം ​നടപ്പാക്കുന്നത്​ സംബന്ധിച്ച ചർച്ച നടക്കുക.

അതേസമയം, ജമ്മുകശ്​മീരിൽ ആർട്ടിക്കിൾ 370 പിൻവലിച്ചതിനെ തുടർന്ന്​ കേന്ദ്രസർക്കാർ ഏർപ്പെടുത്തിയ നിയന്ത്രണങ്ങൾ തുടരുകയാണ്​. ജമ്മുവിൻെറ പ്രത്യേക പദവി ഒഴിവാക്കുകയും സംസ്ഥാനത്തെ കേന്ദ്രഭരണപ്രദേശങ്ങളാക്കി മാറ്റുകയും ചെയ്​ത കേന്ദ്രസർക്കാർ നടപടിക്കെതിരെ കശ്​മീരിലെ നേതാക്കളായ ഫൈസൽ ഷാ, ഷെഹ്​ല റാഷിദ്​ എന്നിവരുൾപ്പെടെ ഏഴ്​പേരടങ്ങിയ സംഘം സുപ്രീംകോടതിയിൽ ഹരജി നൽകി. കേന്ദ്രസർക്കാർ നടപടി പുനഃപരിശോധിക്കണമെന്നാവശ്യപ്പെട്ട്​ സമർപ്പിക്കപ്പെട്ട മറ്റ്​ ഹരജികൾക്കൊപ്പം ബുധനാഴ്​ചയാണ്​ ഇവരുടെ ഹരജിയും സുപ്രീംകോടതി പരിഗണിക്കുക.

നിയന്ത്രണങ്ങളെ തുടർന്ന്​ മന്ദഗതിയിലായ കശ്​മീരിലെ വിനോദ സഞ്ചാര മേഖലയെ ഉത്തേജിപ്പിക്ക​ുന്നതിനായുള്ള പദ്ധതികൾ ആവിഷ്​കരിക്കുന്നതിന്​ ടൂറിസം മന്ത്രി പ്രഹ്ലാദ്​ പ​ട്ടേൽ ഉൾപ്പെടുന്ന സംഘം അടുത്ത മാസം ജമ്മുകശ്​മീരിലും ലഡാക്കില​ും സന്ദർശനം നടത്താനിരിക്കുകയാണ്​.