ഇറ്റലിയിൽ കുടുങ്ങിയ 414 ഇന്ത്യൻ നാവികരെ ഗോവയിലെത്തിക്കും

പനാജി: ഇറ്റലിയിൽ കുടുങ്ങി കിടക്കുന്ന 414 ഇന്ത്യൻ നാവികരെ തിരികെ എത്തിക്കാനുള്ള പ്രത്യേക വിമാനങ്ങൾക്ക് അനുമതി. കേന്ദ്ര ആഭ്യന്തര മന്ത്രാലയമാണ് പ്രത്യേക അനുമതി നൽകിയത്. 

ബി-737 പ്രത്യേക വിമാനത്തിൽ ഗോവയിലെ ദബോളിം വിമാനത്താവളത്തിലാണ് സംഘം നേരിട്ടെത്തുക. കോസ്റ്റ ക്രൂയിസ് കമ്പനിയാണ് വിമാനങ്ങൾ ഏർപ്പാട് ചെയ്തത്. 

കോവിഡിന്‍റെ പശ്ചാത്തലത്തിൽ ആരോഗ്യ-കുടുംബ ക്ഷേമം, വിദേശകാര്യം, ഡി.ജി.സി.എ എന്നിവയുടെ നിർദേശ പ്രകാരമുള്ള എല്ലാ നിബന്ധനങ്ങളും വിമാനങ്ങൾ പാലിക്കും.