ബിഹാറിലെ എൻ.ഡി.എയുടെ വിജയം 12,768 വോട്ടുകൾക്ക്​; വോട്ട്​ വ്യത്യാസം 0.03 ശതമാനം

പട്​ന: ബിഹാർ തെരഞ്ഞെടുപ്പിൽ എൻ.ഡി.എയുടെ വിജയം വളരെകുറഞ്ഞ വോട്ടുകൾക്ക്​. എൻ.ഡി.എയും മഹാസഖ്യവും തമ്മിലുള്ള വോട്ട്​ വ്യത്യാസം വെറും 0.03 ശതമാനം മാത്രമാണ്​.

3.14 കോടി ​പേരാണ്​ ബിഹാർ തെരഞ്ഞെടുപ്പിൽ വോട്ട്​ രേഖ​െപ്പടുത്തിയത്​. ഇതിൽ 1,57,01,226 വോട്ടുകൾ എൻ.ഡി.എക്കും 1,56,88,458 വോട്ടുകൾ മഹാസഖ്യത്തിനും ലഭിച്ചു. ഇരു സഖ്യവും തമ്മിൽ 12,768 വോട്ടുകളുടെ വ്യത്യാസം മ​ാത്രമാണുള്ളത്​. അതായത്​ 0.03 ശതമാനം.

അഞ്ച്​ വർഷം മുമ്പ്​ നടന്ന തെരഞ്ഞെടുപ്പിൽ ആർ.ജെ.ഡി, ജെ.ഡി.യു, കോൺഗ്രസ്​ സഖ്യം എൻ.ഡി.എ സഖ്യത്തേക്കാൾ കൂടുതൽ നേടിയത്​ 29.6 വോട്ടുകളാണ്​. വോട്ടിങ്​ ശതമാനത്തി​െൻറ 7.8 ശതമാനവും.

എൻ.ഡി.എക്ക്​ 37.26 ശതമാനം വോട്ടുകളും മഹാസഖ്യത്തിന്​ 37.23 ശതമാനം വോട്ടുകളും ലഭിച്ചു. 243 സീറ്റുകളുള്ള ബിഹാർ നിയമസഭയിലേക്ക്​ നടന്ന തെരഞ്ഞെടുപ്പിൽ 123 സീറ്റുകളാണ്​ എൻ.ഡി.എ നേടിയത്​. മഹാസഖ്യം 110 സീറ്റുകളും നേടി.