ജാർഖണ്ഡിൽ മാനസിസ്വാസ്ഥ്യമുള്ള യുവാവ്​ അധ്യാപികയുടെ തല വെട്ടി

ജംഷഡ്​പൂർ: മാനസികാസ്വാസ്​ഥ്യമുള്ള യുവാവ്​ അധ്യാപികയെ തലയറുത്ത്​ കൊന്നു. അറുത്തെടുത്ത തലയുമായി കാടിനുള്ളിലേക്ക്​ അഞ്ച്​ കിലോമീറ്ററോളം ദൂരം ഒാടിയ യുവാവിനെ നാട്ടുകാരും പൊലീസും ചേർന്ന്​ ബലപ്രയോഗത്തിലൂടെ കീഴ്​പ്പെടുത്തുകയായിരുന്നു. 

ജാർഖണ്ഡിലെ ഖർസ്വാൻ ജില്ലയിലാണ്​ സംഭവം. ഹരി ഹെമ്പ്രം(26) എന്ന യുവാവാണ്​ ഖപ്രസായ്​ സ്കൂളിലെ അധ്യാപികയായ സുക്ര ഹെസ(30)നെ സ്​കൂളിൽ നിന്ന്​ ത​​െൻറ വീട്ടിലേക്ക്​ വലിച്ചിഴച്ച്​ കൊണ്ടു പോവുകയും കൈയ്യിൽ കരുതിയ വാൾ കൊണ്ട്​ കഴുത്തറുക്കുകയും ചെയ്​തത്​. 

കൃത്യത്തിനു ശേഷം അറുത്തെടുത്ത തലയുമായി അഞ്ചു കി​േലാമീറ്ററോളം ദൂരത്തേക്ക്​ ഒാടി കാട്ടിനുള്ളിലേക്ക്​ കടന്ന യുവാവിനെ കീഴ്​പ്പെടുത്താൻ നാട്ടുകാർ ​ശ്രമിച്ചെങ്കിലും യുവാവി​​െൻറ കൈയ്യിൽ ആയുധമുള്ളതിനാൽ അടു​േത്തക്കു പോവാൻ ധൈര്യപ്പെട്ടില്ല. പിന്നീട്​ പൊലീസെത്തിയ ശേഷം ഇയാളെ ബലപ്രയോഗത്തിലൂടെ കീഴ്​പ്പെടുത്തുകയായിരുന്നു.