Begin typing your search above and press return to search.
exit_to_app
exit_to_app
Homechevron_rightNewschevron_rightIndiachevron_rightഹഥ്​രസ്​...

ഹഥ്​രസ്​ കൂട്ടബലാത്സംഗം: പെൺകുട്ടിയുടെ സമുദായം പ്രതിഷേധവുമായി തെരുവിലിറങ്ങി

text_fields
bookmark_border
ഹഥ്​രസ്​ കൂട്ടബലാത്സംഗം: പെൺകുട്ടിയുടെ സമുദായം പ്രതിഷേധവുമായി തെരുവിലിറങ്ങി
cancel

ലഖ്​നോ: ഉത്തർപ്രദേശിലെ ഹഥ്​രസിൽ കൂട്ടബലാത്സംഗത്തിനിരയായി കൊല്ലപ്പെട്ട പെൺകുട്ടിയുടെ മൃതദേഹം ബലം പ്രയോഗിച്ച്​ സംസ്​കരിച്ച പൊലീസ്​ നടപടിക്കെതിരെ ദലിത്​ സാമുദായത്തിലുള്ളവർ പ്രതിഷേധവുമായി തെരുവിലിറങ്ങി. ലോക്കൽ പൊലീസ്​ സവർണരായ പ്രതികളെ സംരക്ഷിക്കുകയാണെന്നും പ്രാദേശിക ഭരണകൂടം അതിന്​ ഒത്താശ ചെയ്യുകയാണെന്നും ആരോപിച്ചാണ്​ താക്കുർ സമുദായംഗങ്ങൾ പ്രതിഷേധ റാലിയുമായി തെരുവിലിറങ്ങിയത്​. കോവിഡ്​ മാനദണ്ഡങ്ങൾ ലംഘിച്ചുള്ള പ്രതിഷേധം അനുവദിക്കാനാവില്ലെന്ന്​ അറിയിച്ച്​ പൊലീസ്​ പ്രതിഷേധക്കാരെ തടഞ്ഞു.

കൂട്ടബലാത്സംഗത്തിനിരയായി കൊല്ലപ്പെട്ട പെൺകുട്ടിയുടെ മൃതദേഹം വീട്ടിലെത്തിച്ച പൊലീസ്​ കുടുംബാംഗങ്ങളെ തടഞ്ഞ ശേഷം പുലർച്ചെ രണ്ടരയോടെ തന്നെ സംസ്​കരിക്കുകയായിരുന്നു. മതവിശ്വാസപ്രകാരം രാവിലെ സംസ്​കാരം നടത്തണമെന്ന കുടുംബത്തി​െൻറ ആവശ്യം തള്ളിയ പൊലീസ്​ ബലപ്രയോഗത്തിലൂടെ മൃതദേഹം സംസ്​കരിച്ചു. ആംബുലൻസിന്​ മുന്നിലിരുന്ന്​ പ്രതിഷേധിച്ച പെൺകുട്ടിയെ മാതാവിനെയും മറ്റ്​ ബന്ധുക്കളെയും പൊലീസ്​ നീക്കി. പിതാവും ബന്ധുക്കളും മൃതദേഹം നേരം പുലർന്നതിനുശേഷം സംസ്​കരിക്കാൻ അനുവദിക്കണമെന്ന്​​ ജില്ലാ മജിസ്​ട്രേറ്റിനോട്​ ആവശ്യപ്പെ​ട്ടെങ്കിലും അനുവദിച്ചില്ല.

പൊലീസി​െൻറ നടപടിക്കെതിരെ വൻ പ്രതിഷേധമാണുയരുന്നത്​. പെൺകുട്ടിക്ക്​ മതാചാരപ്രകാരമുള്ള സംസ്​കാരം പോലും നിഷേധിക്കപ്പെട്ടുവെന്നും യോഗി ആദിത്യനാഥ്​ സർക്കാറിന്​ ഭരണത്തിൽ തുടരാൻ യോഗ്യതയില്ലെന്നും കോൺഗ്രസ്​ നേതാവ്​ പ്രിയങ്ക ഗാന്ധി പ്രതികരിച്ചു.

കൂട്ടബലാത്സംഗക്കേസ്​ അന്വേഷിക്കുന്നതിന്​ യു.പി സർക്കാർ പ്രത്യേക അന്വേഷണ സംഘത്തെ നിയോഗിച്ചിട്ടുണ്ട്​. വിചാരണ ഫാസ്​റ്റ്​ ട്രാക്ക്​ കോടതിയിലേക്ക്​ മാറ്റുമെന്നും സർക്കാർ അറിയിച്ചിട്ടുണ്ട്​.

Show Full Article
TAGS:Hathras gang-rape Yogi Adityanath community protest Dalit Girl 
Next Story