യു​വ​തി​യെ ബ​ലാ​ത്സം​ഗം ചെ​യ്ത സം​ഭ​വം: മെ​യ്തേ​യി വ​നി​ത​ക​ൾ പ്ര​തി​ഷേ​ധി​ച്ചു

ഇം​ഫാ​ൽ: വം​ശീ​യ സം​ഘ​ർ​ഷം തു​ട​രു​ന്ന മ​ണി​പ്പൂ​രി​ൽ ചു​രാ​ച​ന്ദ്പു​ർ ജി​ല്ല​യി​ൽ മെ​യ്തേ​യി യു​വ​തി കൂ​ട്ട​ബ​ലാ​ത്സം​ഗ​ത്തി​നി​ര​യാ​യ സം​ഭ​വ​ത്തി​ൽ ​ ​മെ​യ്തേ​യി വ​നി​ത​ക​ളു​ടെ കൂ​ട്ടാ​യ്മ​യാ​യ മീ​രാ പൈ​ബി​സ് അ​ഞ്ച് ജി​ല്ല​ക​ളി​ൽ പ്ര​തി​ഷേ​ധ​പ്ര​ക​ട​നം ന​ട​ത്തി. ചു​രാ​ച​ന്ദ്‌​പു​രി​ലെ ഖു​മു​ജം​ബ ലെ​യ്‌​കൈ​യി​ൽ അ​ക്ര​മി​ക​ൾ തീ​വെ​ച്ച വീ​ട്ടി​ൽ​നി​ന്ന് ഓ​ടി ര​ക്ഷ​പ്പെ​ടു​ന്ന​തി​നി​ടെ ആ​റോ​ളം വ​രു​ന്ന​യാ​ളു​ക​ൾ ബ​ലാ​ത്സം​ഗം ചെ​യ്തെ​ന്നാ​ണ് യു​വ​തി​യു​ടെ പ​രാ​തി.

മേ​യ് മൂ​ന്നി​ന് ന​ട​ന്ന സം​ഭ​വ​ത്തി​ൽ ക​ഴി​ഞ്ഞ​ദി​വ​സ​മാ​ണ് യു​വ​തി പ​രാ​തി ന​ൽ​കി​യ​ത്. ഇം​ഫാ​ൽ വെ​സ്റ്റ് ജി​ല്ല​യി​ലെ കെ​യ്‌​സാ​മ്പ​ത്ത്, ഉ​റി​പോ​ക്ക്, സി​ങ്ജ​മേ​യ് പ്ര​ദേ​ശ​ങ്ങ​ളി​ലും ഇം​ഫാ​ൽ ഈ​സ്റ്റ് ജി​ല്ല​യി​ലെ കോ​ങ്‌​ബ, ഖു​റൈ എ​ന്നി​വി​ട​ങ്ങ​ളി​ലും ബി​ഷ്ണു​പു​ർ, ക​ച്ചി​ങ്, തൗ​ബ​ൽ ജി​ല്ല​ക​ളി​ലും പ്ര​തി​ഷേ​ധ​പ്ര​ക​ട​ന​ങ്ങ​ൾ ന​ട​ന്നു.

അ​ക്ര​മി​ക​ളെ പി​ടി​കൂ​ട​ണ​മെ​ന്ന് പ്ര​തി​ഷേ​ധ​ക്കാ​ർ ആ​വ​ശ്യ​പ്പെ​ട്ടു. മ്യാ​ന്മ​റി​ൽ നി​ന്നു​ള്ള നു​ഴ​ഞ്ഞു​ക​യ​റ്റ​ക്കർ പ​റ​ഞ്ഞ​റി​യി​ക്കാ​നാ​കാ​ത്ത കു​റ്റ​കൃ​ത്യ​ങ്ങ​ളാ​ണ് ന​ട​ത്തു​ന്ന​തെ​ന്ന് ആ​രോ​പി​ച്ചാ​ണ് ‘മീ​രാ പൈ​ബി​സ്’ പ്ര​സി​ഡ​ന്റ് ലോ​ങ്ജാം മെം​ചൗ​ബി പ്ര​തി​ഷേ​ധ​ത്തി​ന് ആ​ഹ്വാ​നം ചെ​യ്ത​ത്.