മെഹുൽ ചോക്​സി റിമാൻഡിൽ; ആശുപത്രിയിൽ തുടരും

ന്യൂഡൽഹി: ഇന്ത്യയിൽ തട്ടിപ്പ്​ നടത്തി മുങ്ങിയ മെഹുൽ ചോക്സിയെ റിമാൻഡ്​ ചെയ്​ത്​ ഡൊമിനിക്കയിലെ കോടതി. പൊലീസ്​ കസ്​റ്റഡിയിൽ നിന്ന്​ ചോക്​സിയെ ജയിലിലേക്ക്​ മാറ്റാൻ ഡൊമിനിക്കയിലെ മജിസ്​ട്രേറ്റ്​ കോടതി ഉത്തരവിട്ടു. ആരോഗ്യസ്ഥിതി മോശമായതിനാൽ ചോക്​സി തൽക്കാലത്തേക്ക്​ ആശുപത്രിയിൽ തന്നെ തുടരുമെന്ന്​ അദ്ദേഹത്തി​െൻറ അഭിഭാഷകൻ വിജയ്​ അഗർവാൾ അറിയിച്ചു.

കടുത്ത മാനസിക സമ്മർദ്ദം അനുഭവിക്കുന്ന ചോക്​സി രക്​ത സമ്മർദ്ദത്തിന്​ ചികിത്സയിലാണെന്നും അഭിഭാഷകൻ അറിയിച്ചു. ഇതുമായി ബന്ധപ്പെട്ട ആശുപത്രി രേഖകൾ ഡൊമിനിക്ക കോടതിക്ക്​ കൈമാറിയിട്ടുണ്ടെന്നും അധികൃതർ അറിയിച്ചു.

ചോക്​സിക്ക്​ നേരത്തെ ഡൊമിനിക്ക കോടതി ജാമ്യം നിഷേധിച്ചിരുന്നു. ഇതിന്​ പിന്നാലെയാണ്​ ജയിലിലേക്കും മാറ്റുന്നത്​. പുതിയ സാഹചര്യത്തിൽ ചോക്​സിയെ ഇന്ത്യയിലെത്തിക്കാനുള്ള നീക്കങ്ങൾ കൂടുതൽ സജീവമാക്കാനൊരുങ്ങുകയാണ്​​ സി.ബി.ഐ അടക്കമുള്ള ഏജൻസികൾ. പഞ്ചാബ്​ നാഷണൽ ബാങ്കിൽ 13,500 കോടിയുടെ തട്ടിപ്പ്​ നടത്തിയാണ്​ ചോക്​സി ഇന്ത്യ വിട്ടത്​.