മതത്തി‍ന്‍റെ പേരിൽ ആളെ കൊല്ലുന്ന പാർട്ടികളെ ഐ.എസുമായി താരതമ്യം ചെയ്യാം -മെഹ്​ബൂബ

ജമ്മു: സംഘ്​പരിവാറി‍ന്‍റെ ഹിന്ദുത്വയെ ഐ.എസ്​, ബോകോഹറാം പോലു​ള്ള ഭീകരസംഘടനകളുമായി ഉപമിച്ച, മുതിർന്ന കോൺഗ്രസ്​ നേതാവ്​ സൽമാൻ ഖുർഷിദി‍ന്‍റെ പുസ്​തകത്തെ പിന്തുണച്ച്​ പി.ഡി.പി അധ്യക്ഷ െമഹ്​ബൂബ മുഫ്തി. മതത്തി‍ന്‍റെ പേരിൽ ആളെ കൊല്ലുന്ന ഏതു പാർട്ടിയെയും ഐ.എസ്​, ബോകോഹറാം പോലുള്ള ഭീകര സംഘടനകളുമായി താരതമ്യം ചെയ്യുന്നതിൽ തെറ്റില്ലെന്ന്​ മഹ്​ബൂബ ശനിയാഴ്ച ജമ്മുവിൽ പറഞ്ഞു.

സനാതന ധർമം ഒരിക്കലും വർഗീയത​ പഠിപ്പിക്കുന്നില്ലെന്നു പറഞ്ഞ അവർ, ബി.ജെ.പിയും ആർ.എസ്​.എസും ഹിന്ദുത്വയെയും ഹിന്ദുമതത്തെയും ഹൈജാക്ക്​ ചെയ്​തുവെന്നും അഭിപ്രായപ്പെട്ടു.

''ഹിന്ദുവും മുസ്​ലിമും പരസ്​പരം പോരടിക്കലും മതത്തി‍ന്‍റെ പേരിൽ കൊല നടത്തണമെന്നതും വർഗീയ പാർട്ടികളുടെ ആവശ്യമാണ്​. ഇത്തരം പാർട്ടികളെ ഇതുപോലെ മതത്തി‍ന്‍റെ പേരിൽ കൊല്ലുന്ന ഐ.എസുമായും സമാന സംഘടനകളുമായും താരതമ്യം ചെയ്യുന്നതിൽ തെറ്റില്ല.''-അവർ കൂട്ടിച്ചേർത്തു.