ആശുപത്രി ജീവനക്കാർ ഇനി പഞ്ചനക്ഷത്ര ഹോട്ടലിൽ; വീട്ടിൽ വിടില്ല
text_fieldsലഖ്നോ: യു.പിയിൽ കൊറോണ ബാധിതരുമായി ഇടപഴകുന്ന ആശുപത്രി ജീവനക്കാർക്ക് താമസിക്കാൻ ഐസൊലേഷൻ റൂമൊരുക്കുന്നത് പഞ്ചനക്ഷത്ര ഹോട്ടലുകളിൽ. ഡോക്ടർമാർ, നഴ്സുമാർ, പാരാമെഡിക്കൽ സ്റ്റാഫ് എന്നിവരെ തലസ്ഥാന നഗരമായ ലഖ്നോവിലെ നാല് പഞ്ചനക്ഷത്ര ഹോട്ടലുകളിലാണ് പാർപ്പിക്കുക. ഭക്ഷണവും മറ്റും ഈ ഹോട്ടലുകളിൽ തന്നെ ഒരുക്കും.
രാം മനോഹർ ലോഹ്യ ആശുപത്രിയിലെ ജീവനക്കാരെ ഹോട്ടൽ ഹയാത്ത്, ഹോട്ടൽ ഫെയർഫീൽഡ് എന്നിവിടങ്ങളിലും സഞ്ജയ് ഗാന്ധി ആശുപത്രിയിലെ (എസ്.ജി.പി.ജി.ഐ) ജീവനക്കാരെ ഹോട്ടൽ പിക്കഡിലി, ഹോട്ടൽ ലെമൺ ട്രീ എന്നിവയിലുമാണ് താമസിപ്പിക്കുക. ഇവരെ വീടുകളിൽ പോകാൻ അനുവദിക്കില്ലെന്നും ലഖ്നോ കമ്മീഷണർ മുകേഷ് മെഷ്റാം പറഞ്ഞു.
ഹോട്ടൽ ഹയാത്തും ഹോട്ടൽ ഫെയർഫീൽഡും രാം മനോഹർ ലോഹ്യ ആശുപത്രി ഡയറക്ടർ എ കെ ത്രിപാഠിയുടെ കീഴിലും ഹോട്ടൽ പിക്കഡിലി, ഹോട്ടൽ ലെമൺ ട്രീ എന്നിവ എസ്.ജി.പി.ജി.ഐ ഡയറക്ടർ ആർ.കെ. ധീമെൻറ കീഴിലുമായിരിക്കും. ആവശ്യമെങ്കിൽ കൂടുതൽ ഹോട്ടലുകൾ ഏറ്റെടുക്കുമെന്നും കമ്മീഷണർ അറിയിച്ചു.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.