യു.പിയിൽ ക്ഷേത്രത്തിനകത്തേക്ക്​​ മാംസം എറിഞ്ഞെന്ന്​; നാലു പേർ അറസ്​റ്റിൽ

മുസഫർനഗർ: യു.പിയിലെ ബുധാന മേഖലയിൽ ക്ഷേത്രത്തിനകത്തേക്ക്​ മാംസ​ം എറിഞ്ഞ്​ മത വികാരം വ്രണപ്പെടുത്തിയതിനെ തുടർന്ന്​ നാലു പേരെ അറസ്​റ്റ്​ ചെയ്​തതായി പൊലീസ്​.

രാകേശ്​, ഭാര്യ കുസും, സഹോദരൻ രാജേഷ്​, മരുമകൾ അനാർക്കലി എന്നിവരാണ്​ അറസ്​റ്റിലായത്​. ഐ.പി.സി 295 പ്രകാരം ആരാധനാലയങ്ങൾ അശുദ്ധമാക്കൽ വകുപ്പ്​ അനുസരിച്ചാണ്​ ഇവർക്കെതിരെ കേസ്​ എടുത്തതെന്ന്​ സ്​റ്റേഷൻ ഹൗസ്​ ഓഫീസർ സഞ്​ജീവ്​ കുമാർ പറഞ്ഞു. സംഭവത്തെ തുടർന്ന്​ ഭക്​തജനങ്ങൾ ക്ഷേത്ര പരിസരത്ത് തടിച്ചുകൂടിയതയും പൊലീസ്​ പറഞ്ഞു.