മുങ്ങുന്ന പ്രവാസി ഭർത്താക്കൻമാരെ പിടികൂടാൻ പോർട്ടലുമായി വിദേശമന്ത്രാലയം

ന്യൂഡൽഹി:  പ്രവാസി ഭർത്താക്കൻമാരുമായി ബന്ധപ്പെട്ടുള്ള പരാതികളിൽ സ്​ത്രീകളെ സഹായിക്കുന്നതിന്​ പുതിയ വെബ്പോർട്ടലുമായി വിദേശമന്ത്രാലയം. വിവാഹം കഴിഞ്ഞ ശേഷം ഭാര്യമാരെ ഉപേക്ഷിക്കുന്നവർ, ചികിത്സക്ക്​ പണം നൽകാത്തവർ, ചെലവിന്​ നൽകാതെയും വീട്ടുകാരുമായി ബന്ധപ്പെടാതിരിക്കുകയും ചെയ്യുന്നവ​ർ തുടങ്ങിയവക്കെതിരെ വാറണ്ട്​, സമൻസ്​ എന്നിവ അയക്കുന്നതിനുള്ള വെബ്​സൈറ്റാണ്​ വിദേശകാര്യമന്ത്രാലയം വികസിപ്പിക്കുന്നത്​. വാറണ്ടിനോ സമയൻസിനോ മറുപടി നൽകാതിരിക്കുന്നവരെ കുറ്റവാളിയാക്കി കണക്കാക്കി അവരുടെ സ്വത്ത്​ കണ്ടെത്തുന്നതിനുള്ള നടപടിയെടുക്കാൻ ആലോചനയിലുണ്ടെന്നും വിദേശകാര്യമന്ത്രി സുഷമ സ്വരാജ്​ അറിയിച്ചു. 

ഭാര്യയുടെ പരാതി പരിഗണിച്ച്​ ഭർത്താവ്​ കുറ്റക്കാരനെന്ന്​ ​തെളിഞ്ഞാൽ ജില്ലാ മജിസട്രേറ്റിന്​ അയാൾക്കെതിരെ സമൻസോ വാറണ്ടോ പുറപ്പെടുവിക്കാം. നിയമ​മന്ത്രാലയവും വനിതാ ശിശുക്ഷേമമന്ത്രാലയവ​ും വെബ്​പോർട്ടലുമായി മുന്നോട്ടുപോകാനുള്ള നടപടിക്ക്​ പിന്തുണ അറിയിച്ചതായും സുഷമ സ്വരാജ്​ പറഞ്ഞു. 

പ്രവാസി ഭർത്താക്കൻമാരുമായി ബന്ധപ്പെട്ട് 2015 ജനുവരി മുതൽ 2017  നവംബർ വരെ ഇന്ത്യൻ സ്ത്രീകളിൽ നിന്നും ലഭിച്ചത് 3368 പരാതികളാണെന്ന്​ വിദേശകാര്യമന്ത്രാലയം നേരത്തെ വെളിപ്പെട​ുത്തിയിരുന്നു. സ്ത്രീധനം, ചികിൽസക്കുള്ള പണം നൽകാതിരിക്കുക, ചെലവുകൾ വഹിക്കാതിരിക്കുക തുടങ്ങിയ മേഖലയുമായി ബന്ധപ്പെട്ടാണ് പരാതികൾ കൂടുതലും.  പാർലമ​​​െൻറി​​​​െൻറ അടുത്ത സമ്മേളനത്തിൽ പ്രവാസി ഭർത്താക്കൻമാർക്കെതിരെ നടപടി സ്വീകരിക്കുന്നതിനുളള നിയമത്തിൽ ഭേദഗതി വരുത്തണമെന്ന ആവശ്യം ചർച്ചചെയ്യുമെന്നും സുഷമസ്വരാജ്​ പറഞ്ഞു. 

വിവാഹശേഷം ഭാര്യയെ ഉപേക്ഷിച്ചു പോകുന്നവർക്കെതിരെ ഇന്ത്യയിൽ കേസ് നൽകുക, ലുക്ക്ഔട്ട് നോട്ടിസ് പുറപ്പെടുവിപ്പിക്കുക  പാസ്പോർട്ട് റദ്ദാക്കുക തുടങ്ങി നിയമനടപടികൾ ചെയ്യുന്നുണ്ടെന്നും സുഷമ വ്യക്തമാക്കി.