Begin typing your search above and press return to search.
proflie-avatar
Login
exit_to_app
exit_to_app
Homechevron_rightNewschevron_rightIndiachevron_rightമീ ​ടൂ: വിദേശ സന്ദർശനം...

മീ ​ടൂ: വിദേശ സന്ദർശനം വെട്ടിച്ചുരുക്കാൻ കേ​ന്ദ്ര​മ​ന്ത്രി അ​ക്ബ​റി​ന് നിർദേശം

text_fields
bookmark_border
മീ ​ടൂ: വിദേശ സന്ദർശനം വെട്ടിച്ചുരുക്കാൻ കേ​ന്ദ്ര​മ​ന്ത്രി അ​ക്ബ​റി​ന് നിർദേശം
cancel

ന്യൂ​ഡ​ല്‍ഹി: മീ ​ടൂ കാ​മ്പ​യി​നി​ലൂ​ടെ ആരോപണവിധേയനായ കേ​ന്ദ്ര വിദേശകാര്യ ​സ​ഹ​മ​ന്ത്രി എം.​ജെ. അ​ക്ബ​റി​നെതിരെ ബി.െജ.പിയിൽ അതൃപ്തി ശക്തമാകുന്നു. അക്ബർ മന്ത്രിസ്ഥാനത്ത് തുടരുന്നത് പാർട്ടിയുടെ പ്രതിച്ഛായക്ക് തിരിച്ചടിയാണെന്ന് നേതൃത്വം വിലയിരുത്തുന്നു. അക്ബറിനെതിരെ മാധ്യമരംഗത്തെ ഏഴു പേർ രംഗത്തെത്തിയതിന് പിന്നാലെയാണ് പ്രതിഷേധം ശക്തിപ്പെട്ടത്.

അതേസമയം, നൈജീരിയൻ സന്ദർശനം വെട്ടിച്ചുരുക്കി ഇന്ത്യയിലെത്താൻ അക്ബറിനോട് സർക്കാർ ആവശ്യപ്പെട്ടതായി റിപ്പോർട്ടുണ്ട്. അക്ബറിന്‍റെ വിശദീകരണം കേട്ട ശേഷം രാജി അടക്കമുള്ള തുടർനടപടികൾ സ്വീകരിക്കാനാണ് തീരുമാനം. നാളെ വൈകീട്ടോടെ അദ്ദേഹം ഇന്ത്യയിലേക്ക് മടങ്ങുമെന്നാണ് ലഭിക്കുന്ന വിവരം.

പ്ര​മു​ഖ​രു​ടെ പേ​ര്​ വെ​ളി​പ്പെ​ടു​ത്തി രാ​ജ്യ​ത്തെ പി​ടി​ച്ചു​ല​ച്ച കാ​മ്പ​യി​നാ​ണ്​ ഒ​ടു​വി​ൽ മോദി മ​ന്ത്രി​സ​ഭ​യി​ലെ അം​ഗ​ത്തെ​യും പി​ടി​കൂ​ടി​യ​ത്. മാ​ധ്യ​മ​പ്ര​വ​ർ​ത്ത​ക​നാ​യി​രി​ക്കെ എം.​ജെ. അ​ക്​​ബ​ർ നി​ര​വ​ധി വ​നി​ത സ​ഹ​പ്ര​വ​ർ​ത്ത​ക​ർ​ക്കു നേ​രെ ന​ട​ത്തി​യ ലൈം​ഗി​ക അ​തി​ക്ര​മ​ങ്ങ​ളാ​ണ് ​ഇപ്പോൾ ‘മി ​ടൂ’ കാ​മ്പ​യി​നി​ലൂ​ടെ പു​റ​ത്തു​വ​രുന്ന​ത്.

ക​ഴി​ഞ്ഞ ഒ​ക്​​ടോ​ബ​റി​ൽ അ​ക്​​ബ​റി​​​​​​​​​െൻറ ലൈം​ഗി​ക ​അ​തി​ക്ര​മ​ത്തെ​ക്കു​റി​ച്ച്​ പ്രി​യ ര​മ​ണി ലേ​ഖ​ന​മെ​ഴു​തി​യി​രു​ന്നു​വെ​ങ്കി​ലും അ​ദ്ദേ​ഹ​ത്തി​​​​​​​​​െൻറ പേ​ര്​ വ്യ​ക്​​ത​മാ​ക്കി​യി​രു​ന്നി​ല്ല. എ​ന്നാ​ൽ, ഏ​താ​നും ദി​വ​സ​ങ്ങ​ളാ​യി സ​മൂ​ഹ മാ​ധ്യ​മ​ങ്ങ​ളി​ൽ ശ​ക്​​തി​പ്പെ​ട്ട ‘മി ​ടൂ’ കാ​മ്പ​യി​​​​​​​​​െൻറ ഭാ​ഗ​മാ​യി ‘താ​നെ​ഴു​തി​യ ആ​ൾ​ അ​ക്​​ബ​റാ​ണെ’​ന്ന്​ പ്രി​യ ട്വി​റ്റ​റി​ൽ വെ​ളി​പ്പെ​ടു​ത്തു​ക​യാ​യി​രു​ന്നു. മും​ബൈ​യി​ൽ അ​ഭി​മു​ഖ​ത്തി​നെ​ന്നു പ​റ​ഞ്ഞ്​ ത​ന്നെ ഒ​രു ഹോ​ട്ട​ൽ മു​റി​യി​ലേ​ക്ക്​ അ​ക്​​ബ​ർ വി​ളി​ച്ചു​വെ​ന്നും ഒ​ടു​വി​ൽ ര​ക്ഷ​പ്പെ​ടു​ക​യാ​യി​രു​ന്നു​വെ​ന്നും അ​വ​ർ വെ​ളി​പ്പെ​ടു​ത്തി.

‘ദ ​വ​യ​റി’​ല്‍ പ്ര​സി​ദ്ധീ​ക​രി​ച്ച ലേ​ഖ​ന​ത്തി​ലൂ​ടെ​യാ​ണ് അക്ബറിനെതിരായ മാ​ധ്യ​മ​പ്ര​വ​ർ​ത്ത​ക ഗ​സാ​ല വ​ഹാ​ബി​​​​​​​​​െൻറ വെ​ളി​പ്പെ​ടു​ത്ത​ൽ നടത്തിയത്. വി​ഗ്ര​ഹ​മാ​യി കൊ​ണ്ടു​ന​ട​ക്കു​ന്ന ആ​ളി​ല്‍ ഒ​രു മൃ​ഗ​മു​ണ്ടെ​ന്ന് ലോ​ക​ത്തോ​ട് തു​റ​ന്നു​ പ​റ​യാ​നാ​ണ്​ ഈ ​വെ​ളി​പ്പെ​ടു​ത്ത​ല്‍ എ​ന്ന്​ ഗ​സാ​ല വ്യ​ക്​​ത​മാ​ക്കി. ഡ​ല്‍ഹി​യി​ലെ ഏ​ഷ്യ​ന്‍ ഏ​ജി​​​​​​​​​െൻറ ഓ​ഫി​സി​ല്‍ ജോ​ലി ചെ​യ്തി​രു​ന്ന കാ​ല​ത്ത് എ​പ്പോ​ഴും എം.​ജെ. അ​ക്ബ​ര്‍ മു​റി​യി​ലേ​ക്ക്​ വി​ളി​ച്ചു​ വ​രു​ത്തു​ക​യും ലൈം​ഗി​കാ​തി​ക്ര​മ​ങ്ങ​ള്‍ ന​ട​ത്തു​ക​യും ചെ​യ്തു​വെ​ന്നും ഗ​സാ​ല വെ​ളി​പ്പെ​ടു​ത്തി.

1997ലെ ​ആ​റു​ മാ​സ​ക്കാ​ലം സ്വ​ന്തം വ്യ​ക്തി​ത്വ​ത്തെ നി​ര്‍വ​ചി​ക്കാ​നാ​വു​ന്നി​ല്ല. ആ​ദ്യ ര​ണ്ടു​വ​ര്‍ഷ​ത്തി​ല്‍ അ​ദ്ദേ​ഹ​ത്തി​​​​​​​​​െൻറ ശ്ര​ദ്ധ എ​ന്നി​ല്‍ പ​തി​ഞ്ഞി​രു​ന്നി​ല്ല. എ​ന്നാ​ൽ, മൂ​ന്നാം വ​ര്‍ഷം അ​ക്ബ​റി​​​​​​​​​െൻറ ക​ണ്ണ് എ​ന്നി​ല്‍ വീ​ണു. പ​ല​ത​വ​ണ അ​തി​ക്ര​മ​ത്തി​ല്‍നി​ന്ന് കു​ത​റി​യോ​ടി​യെ​ന്നും ഒ​രു ​ത​വ​ണ സ​ഹ​പ്ര​വ​ര്‍ത്ത​ക​യു​മാ​യി ചേ​ര്‍ന്ന് കീ​ഴ​ട​ക്കാ​ന്‍ ശ്ര​മി​ച്ചു​വെ​ന്നും ഗ​സാ​ല വ​ഹാ​ബ് വ്യ​ക്​​ത​മാ​ക്കി​യി​രു​ന്നു.

പ്രേ​ര​ണ സി​ങ്​​ ബി​ന്ദ്ര, ഹ​രീ​ന്ദ​ർ ബ​വേ​ജ, ഷു​മ റാ​ഹ, സു​ജാ​ത ആ​ന​ന്ദ​ൻ, തേ​ജ​സ്വി ഉ​ഡു​പ എ​ന്നി​വ​രും സ​മാ​ന പ​രാ​തി​ക​ളു​മാ​യി അ​ക്​​ബ​റി​നെ​തി​രെ രം​ഗ​ത്തെ​ത്തിയിട്ടുണ്ട്. ‘ദ ​ടെ​ലി​ഗ്രാ​ഫ്​’ സ്​​ഥാ​പ​ക പ​ത്രാ​ധി​പ​രും ‘ഏ​ഷ്യ​ൻ ഏ​ജ്​’ സ്​​ഥാ​പ​ക​നു​മാ​ണ്​ എം.​ജെ. അ​ക്​​ബ​ർ.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:Union Ministermj akbarmalayalam newsMe Toomalayalam news online
News Summary - Me Too: Union Minister MJ Akbar -India News
Next Story