ഇന്ത്യയിൽ  169 ​ ഒൗട്ട്​ലറ്റുകൾ പൂട്ടാനൊരുങ്ങി​ മക്​​ഡൊണാൾസ്

ന്യൂഡൽഹി: ഇന്ത്യയിൽ മക്​​ഡൊണാൾസി​​െൻറ 169 ഒൗട്ട്​ലെറ്റുകൾ പൂട്ടുന്നു.  ഇതോടെ 10,000 പേർക്ക്​ ജോലി നഷ്​ടമാകുമെന്നാണ്​ സൂചന. യു.എസ്​ ആസ്ഥാനമായ ഫാസ്​റ്റ്​ഫുഡ്​ ശൃംഖല മക്​ഡൊണാൾസിന്​ 119 രാജ്യങ്ങളിൽ ഒൗട്ട്​ലറ്റുകളുണ്ട്​. 

കൊണാൾട്ട്​ പ്​ളാസ റസ്​റ്റോറൻറ്​ ലിമിറ്റഡും ഹാർഡ്​കാസിൽ റസ്​റ്റോറൻറ്​സുമാണ്​  ഇന്ത്യയിൽ മക്​ഡൊണാൾസ്​ ഫ്രാ​​ൈഞ്ചെ​സികൾ  നടത്തുന്നത്​. ഫ്രാ​​ൈഞ്ചെ​സികൾ നടത്തുന്നതിൽ ഉടമ്പടി പാലിക്കുന്നതിൽ കൊണാൾട്ട്​ പ്​ളാസ റസ്​റ്റോറൻറ്​ ലിമിറ്റഡ്​ (സി.പി.ആർ.എൽ) വീഴ്​ച വരുത്തിയതിനെ തുടർന്നാണ്​ ഒൗട്ട്​ലറ്റുകൾ പൂട്ടാൻ കമ്പനി തീരുമാനിച്ചിരിക്കുന്നത്​.  മക്​ഡൊണാൾസ്​ ഉടമ്പടിയിൽ നിന്നും പിൻമാറുന്ന സാഹചര്യത്തിൽ ഇന്ത്യയിൽ സി.പി.ആർ.എൽ നടത്തുന്ന ഒൗട്ട്​ലറ്റുകളുടെ ലോഗോയും പേരുമുൾപ്പെടെയുള്ള കാര്യങ്ങൾ മാറ്റേണ്ടിവരും. മക്​ഡൊണാൾസി​​െൻറ ലോഗോ,  ബ്രാൻഡിങ്​, ട്രേഡ്​മാർക്ക്​, പാചകകുറിപ്പുകൾ എന്നിവ 15 ദിവസത്തിനകം മാറ്റണമെന്ന്​ ​സി.പി.ആർ.എല്ലിന്​ നോട്ടീസ്​ നൽകിയിട്ടുണ്ട്​. 
430 മക്​ഡൊണാൾസ്​ ഒൗട്ട്​ലറ്റുകളാണ്​ ഇന്ത്യയിലുള്ളത്​. ഇനി ഹാർഡ്​കാസിൽ റസ്​റ്റോറൻറ്​സുകളുടെ കീഴിലുള്ള മക്​ഡൊണാൾസ്​ ഒൗട്ട്​ലറ്റുകൾ മാത്രമാണ്​ ഉണ്ടാവുകയുള്ളു. 
 
മക്​ഡൊണാൾസ്​ സി.പി.ആർ.എല്ലുമായി പിരിയുന്നത്​ ഒൗട്ട്​ലറ്റുകളിലേക്ക്​ പച്ചക്കറികളും സുഗന്ധവ്യജ്ഞനങ്ങളും വിതരണം നടത്തുന്ന കർഷകരെയും മറ്റ്​ ജീവനക്കാരെയും ബാധിക്കും.