Begin typing your search above and press return to search.
exit_to_app
exit_to_app
Mayawati
cancel
Homechevron_rightNewschevron_rightIndiachevron_rightയു.പി തെരഞ്ഞെടുപ്പിൽ...

യു.പി തെരഞ്ഞെടുപ്പിൽ എസ്​.പി നിസ്സഹായർ; ചെറുപാർട്ടികളുമായി സഖ്യത്തിലേർപ്പെടാൻ നിർബന്ധിതരാകുന്നുവെന്ന്​ മായാവതി

text_fields
bookmark_border

ന്യൂഡൽഹി: 2022ലെ ഉത്തർപ്രദേശ്​ തെരഞ്ഞെടുപ്പ്​ അടുത്തിരിക്കേ സമാജ്​വാദി പാർട്ടിക്കെതിരെ കടുത്ത പ്രതികരണങ്ങളുമായി ബഹുജൻ സമാജ്​വാദി പാർട്ടി നേതാവ്​ മായാവതി. സമാജ്​വാദി പാർട്ടി നേതാവിനും അഖിലേഷ്​ യാദവിനും എതിരെയായിരുന്നു വിമർശനം

ചെറുരാഷ്​ട്രീയ പാർട്ടികളെ ഒപ്പം ചേർത്ത്​ തെര​ഞ്ഞെടുപ്പിനെ നേരിടുമെന്ന അഖിലേഷ്​ യാദവി​െൻറ പ്രസ്​താവനക്കെതിരെ രൂക്ഷ പ്രതികരണവുമായി​ മായാവതി രംഗത്തെത്തുകയായിരുന്നു​. സംസ്​ഥാനത്തെ വലിയ പാർട്ടികളെല്ലാം എസ്​.പിയോട്​ അകലം പാലിക്കാനാണ്​ ശ്രമിക്കുന്നതെന്നും അതിന്​ കാരണം പാർട്ടിയുടെ പ്രവർത്തന രീതിയും ദലിത്​ വിരുദ്ധ ചിന്തകളാണെന്നും മായാവതി പറഞ്ഞു.

സമാജ്​വാദി പാർട്ടി ഇപ്പോൾ നിസ്സഹായരാണ്​. അതിനാലാണ്​ ചെറുപാർട്ടി​കളെ ഒപ്പം ചേർത്ത്​ മത്സരത്തെ നേരിടാൻ ഒരുങ്ങുന്നതെന്നും മായാവതി കൂട്ടിച്ചേർത്തു. ട്വീറ്റുകളിലൂടെയായിരുന്നു മായാവതിയുടെ പ്രതികരണം.

'സമാജ്​വാദി പാർട്ടിയുടെ സ്വാർഥവും ഇടുങ്ങിയതും ദലിത്​ വിരുദ്ധമായ ചിന്തയുടെയും പ്രവർത്തനരീതിയുടെയും കയ്​പേറിയ അനുഭവങ്ങൾ കാരണം എല്ലാ വലിയ പാർട്ടികളും അവരിൽനിന്ന്​ വിട്ടുനിൽക്കാൻ ആഗ്രഹിക്കുന്നു. ചെറുപാർട്ടികളുമായി സഖ്യത്തിലേർപ്പെട്ട്​ തെരഞ്ഞെടുപ്പിനെ നേരിടാൻ അവർ നിർബന്ധിതരാകുന്നു' -മായാവതി പറഞ്ഞു.

അതേസമയം, യു.പി​ തെരഞ്ഞെടുപ്പിൽ മികച്ച പ്രതീക്ഷയിലാണ്​ അഖിലേഷ്​ യാദവും പാർട്ടിയും. 2022ലെ യു.പി നിയമസഭ തെ​രഞ്ഞെടുപ്പിൽ ജനാധിപത്യവിപ്ലവം സംഭവിക്കുമെന്നായിരുന്നു അഖിലേഷ്​ യാദവി​െൻറ പ്രതികരണം.

2019ലെ ലോക്​സഭ തെരഞ്ഞെടുപ്പിൽ ബി.ജെ.പിയെ പരാജയപ്പെട​ുത്തുന്നതിനായി എസ്​.പിയും ബി.​എസ്​.പിയും സഖ്യത്തിലേർ​െപ്പട്ടിരുന്നു. എന്നാൽ, ബി.എസ്​.പിക്ക്​ 10 സീറ്റുകളും എസ്​.പിക്ക്​ അഞ്ചുസീറ്റുകളും മാത്രമാണ്​ നേടാനായത്​. തെരഞ്ഞെടുപ്പ്​ പരാജയ​ത്തിനുശേഷം മായാവതി ഇനി എസ്​.പിയുമായി ചേർന്ന്​ മത്സരിക്കില്ലെന്ന്​ പ്രഖ്യാപിക്കുകയായിരുന്നു.

Show Full Article
TAGS:UP election 2022 Mayawati Akhilesh Yadav Samajwadi Party Bahujan Samaj Party 
News Summary - Mayawati says SP helpless ahead of UP polls, forced to ally with small parties
Next Story