You are here

ഛത്തീസ്​ഗഢ്​ തെരഞ്ഞെടുപ്പ്​: മായാവതിയും അജിത്​ ജോഗിയും കൈ കോർക്കുന്നു

20:50 PM
20/09/2018
mayawati-with-ajit-jogi.

റായ്​പൂർ: ഇൗ വർഷം അവസാനം നടക്കുന്ന ഛത്തീസ്​ഗഢ്​ നിയമസഭാ തെരഞ്ഞെടുപ്പിൽ ചരിത്രത്തിലാദ്യമായി ത്രീകോണ മത്സരത്തിന്​ വഴി മരുന്നിട്ടുകൊണ്ട്​ മായാവതിയുടെ ബി.എസ്​.പിയും അജിത്​ ജോഗിയുടെ ഛത്തീസ്​ഗഢ്​ ജനത കോൺഗ്രസും കൈകോർക്കുന്നു. 

ബി.ജെ.പിക്കെതിരെ പ്രതിപക്ഷ ​െഎക്യമുണ്ടാക്കുന്നതിനായി മധ്യപ്രദേശ്​,  ഛത്തീസ്​ഗഢ്​, രാജസ്​ഥാൻ എന്നീ സംസ്​ഥാനങ്ങളിൽ ബി.എസ്​.പിയുമായി സഖ്യത്തിലേർപ്പെടാൻ കോൺഗ്രസ്​ ചർച്ച നടത്തിക്കൊണ്ടിരിക്കെയാണ്​ കോൺഗ്രസിനെ ഞെട്ടിച്ചുകൊണ്ട്​ മായാവതിയുടെ നീക്കം. അജിത്​ ജോഗിയുടെ പാർട്ടിയുമായുണ്ടാക്കിയ നീക്കുപോക്കനുസരിച്ച്​ 90 സീറ്റുകളുള്ള ഛത്തീസ്​ഗഢ്​ നിയമസഭയിലെ 35 സീറ്റുകളിൽ ബി.എസ്.പിയും ബാക്കി 55 സീറ്റുകളിൽ ഛത്തീസ്​ഗഢ്​ ജനത കോൺഗ്രസും മത്സരിക്കും.

കോൺഗ്രസ്​ ഏഴു മുതൽ ഒമ്പത്​ വരെ സീറ്റു മാത്രമാണ്​ ബി.എസ്​.പിക്ക്​ വാഗ്​ദാനം നൽകിയത്​. കോൺഗ്രസുമായി നടത്തിയ ചർച്ചയിൽ മാന്യമായ എണ്ണം സീറ്റുകൾ ലഭിക്കാത്താണ്​ പുതിയ നീക്കത്തിനു പിന്നിലെന്നാണ്​ സൂചന.  ഛത്തീസ്​ഗഢിലെ ബി.ജെ.പി തേരോട്ടത്തിന്​ അന്ത്യം കുറിക്കാൻ ശക്തമായ പോരാട്ടത്തിലേർപ്പെടുന്ന കോൺഗ്രസിന്​ വൻ തിരിച്ചടിയാണ്​ മായാവതിയുടെ പുതിയ തീരുമാനം.
 

Loading...
COMMENTS