മഥുര ശാഹി ഈദ്ഗാഹ് കേസ്: വാദം 29ന്

പ്രയാഗ് രാജ്: മഥുരയിലെ ശാഹി ഈദ്ഗാഹ് മസ്ജിദ് പൊളിച്ചുമാറ്റണമെന്ന ഹരജിയുടെ സാധുത ചോദ്യംചെയ്യുന്ന അപേക്ഷയിൽ അലഹബാദ് ഹൈകോടതി ഫെബ്രുവരി 29ന് വിശദവാദം കേൾക്കും.

കേശവദേവ് ക്ഷേത്രത്തിന്റെ 13.37 ഏക്കർ ഭൂമിയിലാണ് പള്ളി നിർമിച്ചതെന്നും പൊളിച്ചുമാറ്റണമെന്നും ആവശ്യപ്പെട്ട് ഭഗവാൻ ശ്രീകൃഷ്ണന്റെ പേരിലാണ് ഹൈകോടതിയിൽ ഹരജി സമർപ്പിച്ചത്. എന്നാൽ, ഹരജിയുടെ സാധുത ശാഹി ഈദ്ഗാഹ് ഇൻതിസാമിയ കമ്മിറ്റി ചോദ്യംചെയ്തു. തുടർന്നാണ് വിശദ വാദത്തിനായി 29ലേക്ക് മാറ്റിയത്.