ഭിന്ന​ശേഷിക്കാരിയെ ഗർഭിണിയാക്കിയ ആൾദൈവം അറസ്​റ്റിൽ

മഥുര: ഉത്തർപ്രദേശിലെ മഥുരയിൽ ഭിന്ന​ശേഷിക്കാരിയായ യുവതിയെ ​ലൈംഗികമായി പീഡിപ്പിച്ച ആൾദൈവം അറസ്​റ്റിൽ. ‘ബാബ’ എന്നപേരിൽ അറിയപ്പെട്ട സ്വാമിയാണ്​ പീഡനക്കേസിൽ അറസ്​റ്റിലായത്​. ബർസാന ജില്ലയിലെ ഇയാളുടെ ആശ്രമത്തിലെ അന്തേവാസിയായ പശ്ചിമ ബംഗാൾ സ്വദേശിയാണ്​ പീഡനത്തിനിരയായത്​.

വികിലാംഗയായ യുവതിയെ ബാബ നിരന്തരം പീഡിപ്പിക്കുകയും ഗർഭിണിയായതോടെ ഇവരെ ആശ്രമത്തിൽ നിന്നും ബലപ്രയോഗത്തിലൂടെ പുറത്താക്കുകയുമായിരുന്നു. ആശ്രമത്തിൽ നിന്ന്​ പുറത്താക്കപ്പെട്ട യുവതി ബംഗാളിൽ തിരിച്ചെത്തിയ ശേഷം പൊലീസിൽ പരാതിപ്പെടുകയായിരുന്നു.

എന്നാൽ താൻ ആരെയും പീഡിപ്പിച്ചില്ലെന്നും ശാരീരിക അവശതകളുള്ള യുവതിയെ രക്ഷിതാക്കൾ ആശ്രമത്തിലാക്കി മടങ്ങുകയായിരുന്നുവെന്നും ബാബ പറഞ്ഞു.