മുൻ കാമുകിയെ സ്വന്തമാക്കാൻ തട്ടിക്കൊണ്ടുപോകൽ നാടകം; വ്യവസായി അറസ്​റ്റിൽ

ലഖ്​നോ: കടക്കെണിയിൽ മുങ്ങിയ ശേഷം മുൻ കാമുകിയുമായി പുതുജീവിതം സ്വപ്​നം കണ്ട്​ 'തട്ടിക്കൊണ്ട്​ പോകൽ' നാടകം കളിച്ച വ്യവസായി പിടിയിലായി. ഉത്തർ പ്രദേശിലെ മെയിൻപുരിയിലാണ്​ സംഭവം.

വിവാഹിതനും രണ്ട്​ കുട്ടികളുടെ പിതാവുമായ സുലൈമാൻ ആൽവിയാണ് കഥയിലെ നായകൻ.​ കടക്കെണിയിൽ മുങ്ങിയതിനെത്തുടർന്ന്​ കാമുകിക്കൊപ്പം ജീവിക്കുന്നതിനായാണ്​ നിർമാണ സാമഗ്രികൾ കച്ചവടം ചെയ്യുന്ന ഇയാൾ തട്ടിക്കൊണ്ടു പോയതായി ഇല്ലാക്കഥ പ്രചരിപ്പിച്ചതെന്ന്​ പൊലീസ്​ പറഞ്ഞു​.

ആഗ്രയിലെ ഷാഹ്ഖ​ഞ്ചിൽ ഭർത്താവിനും രണ്ട്​ കുട്ടികൾക്കുമൊപ്പം ജീവിക്കുന്ന മുൻകാമുകിയോടൊപ്പം ഒളിച്ചോടാനാണ്​ ഇയാൾ പദ്ധതിയിട്ടിരുന്നത്​.

സുലൈമാൻെറ തട്ടിക്കൊണ്ടു പോകൽ നാടകത്തിന്​ കൂട്ടു നിന്ന മറ്റ്​ നാലുപേരും പിടിയിലായിട്ടുണ്ട്​. സുലൈമാൻെറ സഹോദരൻ, കൂട്ടാളി സദ്ദാം ഹുസൈൻ, ഡ്രൈവർ ഇമ്രാൻ, സുഹൃത്ത്​ സാഹിദ്​ എന്നിവരെ അറസ്​റ്റ്​ ചെയ്​തതായി ആഗ്ര ഐ.ജി സതീഷ്​ ഗണേഷ്​ പറഞ്ഞു. മജിസ്​ട്രേറ്റിന്​ മുന്നിൽ ഹാജരാക്കിയ പ്രതിയെ ജയിലിലേക്ക്​ അയച്ചു.