ലോക്​ഡൗൺ ലംഘിച്ച്​ നടത്തിയ വിവാഹങ്ങൾ അസാധുവാക്കും -ഉത്തരവിറക്കി മധ്യപ്രദേശ്​ ജില്ല ഭരണകൂടങ്ങൾ

ഭോപാൽ: മധ്യപ്രദേശിൽ ലോക്​ഡൗൺ പ്രഖ്യാപിച്ച മേയ്​ മാസത്തിൽ രഹസ്യമായി കോവിഡ്​ മാനദണ്ഡങ്ങൾ ലംഘിച്ച്​ നടത്തിയ വിവാഹങ്ങൾ നിയമവിരുദ്ധമാണെന്ന്​ പ്രഖ്യാപിക്കുമെന്നും വിവാഹ സർട്ടിഫിക്കറ്റ്​ നൽകില്ലെന്നും അധികൃതർ.

കോവിഡ്​ 19​െൻറ വ്യാപനത്തി​െൻറ പശ്ചാത്തലത്തിൽ മധ്യപ്രദേശിൽ മേയ്​ മാസത്തിൽ വിവാഹങ്ങൾക്ക്​ വിലക്ക്​ ഏർപ്പെടുത്തിയിരുന്നു. ഇതോടെ സംസ്​ഥാനത്ത്​ ​ഇൗ മാസം 130 വിവാഹ ചടങ്ങളുകളെങ്കിലും തടഞ്ഞതായും നിർദേശങ്ങൾ ലംഘിച്ച 30പേർക്കെതിരെ കഴിഞ്ഞ 25 ദിവസത്തിനുള്ളിൽ കേസെടുത്തതായും അധികൃതർ അറിയിച്ചു.

വിവാഹ വേദികൾ കോവിഡ്​ വ്യാപന കേന്ദ്രങ്ങളാകുന്നതി​െൻറ പശ്ചാത്തലത്തിലായിരുന്നു മധ്യപ്രദേശ്​ സർക്കാറി​െൻറ തീരുമാനം. എന്നാൽ, സർക്കാറി​െൻറ നിർദേശങ്ങൾ അവഗണിച്ച്​ രഹസ്യമായി ചില വിവാഹങ്ങൾ നടത്തിയിരുന്നു. ഇതോടെ ഇത്തരത്തിൽ നടത്തിയ വിവാഹങ്ങൾ അസാധുവാക്കുമെന്നും വിവാഹ സർട്ടിഫിക്കറ്റ്​ നൽകില്ലെന്നും ചില ജില്ല കലക്​ടർമാർ ഉത്തരവിറക്കുകയായിരുന്നു.

മധ്യപ്രദേശിൽ വിവാഹങ്ങൾക്ക്​ വിലക്ക്​ ഏർപ്പെടുത്തിയതോടെ ചില വിവാഹങ്ങൾ സമീപസംസ്​ഥാനമായ ഉത്തർപ്രദേശിൽവെച്ച്​ നടത്തിയിരുന്നു. ഇത്തരത്തിൽ നടത്തിയ വിവാഹങ്ങൾക്ക്​ ഉത്തരവ്​ ബാധകമാകില്ലെന്നും അധികൃതർ അറിയിച്ചു.

'ഇത്തരം നിയന്ത്രണങ്ങൾ നിലനിൽക്കുന്നതിനാൽ ജനങ്ങൾ രഹസ്യമായി ചടങ്ങുകൾ സംഘടിപ്പിക്കും. രഹസ്യമായി സഘടിപ്പിച്ച എല്ലാ വിവാഹങ്ങളും നിയമവിരുദ്ധമാക്കി ഉത്തരവിടുന്നു. വധൂവരൻമാർക്കെതിരെയും ബന്ധുക്കൾക്കെതിരെയും വിവാഹത്തിന്​ നേതൃത്വം നൽകിയ പുരോഹിതൻമാ​ർക്കെതിരെയും നടപടി സ്വീകരിക്കും' -ഉജ്ജയിൻ ജില്ല കലക്​ടർ ആശിഷ്​ സിങ്​ പറഞ്ഞു.