Top
Begin typing your search above and press return to search.
keyboard_arrow_down
Login
exit_to_app
exit_to_app
maoist
cancel
camera_alt

representative image

Homechevron_rightNewschevron_rightIndiachevron_rightഛത്തീസ്​ഗഢിൽ മാവോവാദി...

ഛത്തീസ്​ഗഢിൽ മാവോവാദി നേതാവിനെ അനുയായികൾ കൊലപ്പെടുത്തിയതായി പൊലീസ്

text_fields
bookmark_border

ബിജാപുർ: ഛത്തീസ്​ഗഢിലെ ബിജാപുർ ജില്ലയിൽ നിരവധി കൊലപാതകങ്ങൾക്ക് പിന്നിൽ പ്രവർത്തിച്ച മുതിർന്ന മാവോവാദി നേതാവിനെ സ്വന്തം അനുയായികൾ കൊലപ്പെടുത്തിയതായി പൊലീസ് അറിയിച്ചു. ഗംഗലൂർ ഏരിയാ കമ്മിറ്റി അംഗം മോദിയം വിജയയാണ്​ വെള്ളിയാഴ്​ച കൊല്ലപ്പെട്ടത്​.

ഇദ്ദേഹത്തി​െൻറ തലക്ക്​ എട്ട് ലക്ഷം രൂപ പാരിതോഷികം പ്രഖ്യാപിച്ചിരുന്നു. മാത്രമല്ല, ഗംഗലൂർ പ്രദേശത്ത് അടുത്തിടെ നടന്ന കൊലപാതകങ്ങൾക്ക് പിന്നിൽ ഇയാളാണെന്നും ബസ്തർ റേഞ്ചിലെ ഇൻസ്പെക്ടർ ജനറൽ പി. സുന്ദര രാജ് പറഞ്ഞു.

'ബിജാപുർ ജില്ലയിലെ വെസ്​റ്റ്​ ബസ്തർ ഡിവിഷൻ മേഖലയിൽ നടന്ന മിക്ക സിവിലിയൻ കൊലപാതകങ്ങൾക്കും പിന്നിൽ വിജയ്​ ആണ്. നിരപരാധികളായ ആദിവാസികൾക്കെതിരെ നടന്ന ആക്രമണങ്ങളുമായി ബന്ധപ്പെട്ട് ഇയാളും പ്രാദേശിക അനുയായികളും തമ്മിൽ വിയോജിപ്പുണ്ടായിരുന്നു.

സൗത്ത് ബസ്തർ മേഖലയിൽ അടുത്തിടെ നടന്ന സിവിലിയൻ കൊലപാതകങ്ങളുടെ പശ്ചാത്തലത്തിൽ നിലവിലെ സംഭവം വളരെ പ്രധാനപ്പെട്ടതാണ്​. സംഭവത്തെക്കുറിച്ച്​ കൂടുതൽ അന്വേഷിക്കുന്നുണ്ട്​​' -ഇൻസ്പെക്ടർ ജനറൽ പറഞ്ഞു.

Show Full Article
TAGS:Maoist Chhattisgarh 
Next Story