ബം​ഗ​ളൂ​രുവിൽ വ്യാ​ജ തി​രി​ച്ച​റി​യ​ൽ കാ​ർ​ഡ് നി​ർ​മാ​ണം; മൂ​ന്നു​പേ​ർ അ​റ​സ്റ്റി​ൽ

ബം​ഗ​ളൂ​രു: വ്യാ​ജ തി​രി​ച്ച​റി​യ​ൽ കാ​ർ​ഡു​ക​ൾ നി​ർ​മി​ച്ച​തു​മാ​യി ബ​ന്ധ​പ്പെ​ട്ട കേ​സി​ൽ മൂ​ന്നു​പേ​ർ അ​റ​സ്റ്റി​ൽ. ആ​ർ.​ടി ന​ഗ​ർ സ്വ​ദേ​ശി മൗ​നേ​ഷ് കു​മാ​ർ (39), ഇ​യാ​ളു​ടെ സ​ഹാ​യി​ക​ളാ​യ ഭ​ര​ത്, രാ​ഘ​വേ​ന്ദ്ര എ​ന്നി​വ​രാ​ണ് സെ​ൻ​ട്ര​ൽ ക്രൈം ​ബ്രാ​ഞ്ചി​ന്റെ (സി.​സി.​ബി) പി​ടി​യി​ലാ​യ​ത്. ആ​ർ.​ടി ന​ഗ​ർ ക​ന​ക് ന​ഗ​റി​ലെ എം​എ​സ്.​എ​ൽ ടെ​ക്നോ സൊ​ലൂ​ഷ​ൻ​സ് എ​ന്ന സ്ഥാ​പ​ന​ത്തി​ൽ സി.​സി.​ബി ന​ട​ത്തി​യ റെ​യ്ഡി​ൽ പാ​ൻ​കാ​ർ​ഡ്, വോ​ട്ട​ർ ഐ​ഡി കാ​ർ​ഡ്, ഡ്രൈ​വി​ങ് ​ലൈ​സ​ൻ​സ്, ആ​ധാ​ർ കാ​ർ​ഡ് തു​ട​ങ്ങി​യ​വ വ്യാ​ജ​മാ​യി നി​ർ​മി​ച്ച​താ​യി ക​ണ്ടെ​ത്തി. ഇ​വ നി​ർ​മി​ക്കാ​ൻ ഉ​പ​യോ​ഗി​ച്ച ക​മ്പ്യൂ​ട്ട​ർ അ​ട​ക്ക​മു​ള്ള ഉ​പ​ക​ര​ണ​ങ്ങ​ളും പി​ടി​ച്ചെ​ടു​ത്തു.

ഓ​ഫി​സ് പൂ​ട്ടി സീ​ൽ​ചെ​യ്തു. വ്യാ​ജ തി​രി​ച്ച​റി​യ​ൽ കാ​ർ​ഡു​ക​ൾ ത​ട്ടി​പ്പു​ക​ൾ​ക്ക് ഉ​പ​യോ​ഗ​പ്പെ​ടു​ത്തി​യോ എ​ന്ന​തു സം​ബ​ന്ധി​ച്ച് അ​ന്വേ​ഷ​ണം ന​ട​ത്തി​വ​രു​ക​യാ​ണ്. ഹെ​ബ്ബാ​ൾ പൊ​ലീ​സ് ര​ജി​സ്റ്റ​ർ ചെ​യ്ത കേ​സി​ൽ പ്ര​തി​യെ വി​ശ​ദ​മാ​യി ചോ​ദ്യം ചെ​യ്തു​വ​രു​ന്നു.

അ​ടു​ത്തി​ടെ പൊ​ലീ​സ് ന​ഗ​ര​ത്തി​ലെ അ​നാ​ശാ​സ്യ​കേ​ന്ദ്ര​ത്തി​ൽ ന​ട​ത്തി​യ റെ​യ്ഡി​ലാ​ണ് വ്യാ​ജ തി​രി​ച്ച​റി​യ​ൽ കാ​ർ​ഡ് സം​ബ​ന്ധി​ച്ച് വി​വ​രം ല​ഭി​ച്ച​ത്. ലൈം​ഗി​ക തൊ​ഴി​ലാ​ളി​ക​ൾ​ക്ക​ട​ക്കം വ്യാ​ജ ആ​ധാ​ർ​കാ​ർ​ഡ് സം​ഘ​ടി​പ്പി​ച്ചു​ന​ൽ​കി​യി​രു​ന്ന​ത് ഈ ​സം​ഘ​മാ​യി​രു​ന്നു. എ​ന്നാ​ൽ, കേ​സി​ലെ മു​ഖ്യ​പ്ര​തി മൗ​നേ​ഷ് കു​മാ​ർ മ​ന്ത്രി ബൈ​ര​തി സു​രേ​ഷി​ന്റെ അ​ടു​ത്ത സ​ഹാ​യി​യാ​ണെ​ന്ന് ആ​രോ​പ​ണ​മു​യ​ർ​ന്നു. ഇ​യാ​ൾ മ​ന്ത്രി​ക്കൊ​പ്പം ഓ​ഫി​സി​ല​ട​ക്കം നി​ൽ​ക്കു​ന്ന ചി​ത്ര​ങ്ങ​ൾ പു​റ​ത്തു​വ​ന്നു. എ​ന്നാ​ൽ, പ്ര​തി​യു​മാ​യു​ള്ള ബ​ന്ധം നി​ഷേ​ധി​ച്ച മ​ന്ത്രി, മൗ​നേ​ഷ് ത​ന്റെ നി​യോ​ജ​ക മ​ണ്ഡ​ല​ത്തി​ൽ​നി​ന്നു​ള്ള​യാ​ളാ​ണെ​ന്നും താ​നു​മാ​യി ബ​ന്ധ​മി​ല്ലെ​ന്നും പ്ര​തി​ക​രി​ച്ചു.