Begin typing your search above and press return to search.
exit_to_app
exit_to_app
fake medicines for black fungus
cancel
Homechevron_rightNewschevron_rightIndiachevron_rightബ്ലാക്ക്​ ഫംഗസിൻെറ...

ബ്ലാക്ക്​ ഫംഗസിൻെറ വ്യാജ മരുന്നുകൾ നിർമിച്ച്​ വിൽപ്പന; ഡോക്​ടർമാരടക്കം ഏഴുപേർ അറസ്​റ്റിൽ

text_fields
bookmark_border

ന്യൂഡൽഹി: ബ്ലാക്ക്​ ഫംഗസ്​ ചികിത്സക്ക്​ ഉപയോഗിക്കുന്ന ലിപ്പോസോമൽ ആംഫോട്ടെറിസിൻ-ബി കുത്തിവെപ്പുകൾ വ്യാജമായി നിർമിക്കുകയും വിൽക്കുകയും ചെയ്​ത രണ്ട്​ ​ഡോക്​ടർമാരെയടക്കം ഏഴുപേരെ ഡൽഹി പൊലീസ്​ ക്രൈംബ്രാഞ്ച്​ അറസ്​റ്റ്​ ചെയ്​തു. നിസാമുദ്ദീനിലുള്ള ഡോ. അൽതമാസ് ഹുസൈൻ എന്നയാളുടെ വീട്ടിൽനിന്ന് 3,293 വ്യാജ കുത്തിവെപ്പുകളും കണ്ടെടുത്തായി പൊലീസ്​ അറിയിച്ചു.

ബ്ലാക്ക്​ ഫംഗസ് എന്നും അറിയപ്പെടുന്ന മ്യൂക്കോമൈക്കോസിസിനെ ചികിത്സിക്കാനാണ്​ ആംഫോട്ടെറിസിൻ-ബി ഉപയോഗിക്കുന്നത്​. മൂക്ക്, കണ്ണുകൾ, വായ, തലച്ചോറ് എന്നിവയെയല്ലാം ഈ രോഗം ബാധിക്കുന്നു. പ്രമേഹം, കാൻസർ, എച്ച്.ഐ.വി തുടങ്ങിയ അസുഖങ്ങൾ ബാധിച്ച്​ രോഗപ്രതിരോധ ശേഷി കുറഞ്ഞ​വർക്കാണ്​ ഇത് ഭീഷണിയാകുന്നത്​. കോവിഡ്​ ഭേദമാകുന്നവരിലാണ്​ ഈ രോഗം ഇപ്പോൾ കൂടുതൽ കാണുന്നത്​.

ഇവർക്കായുള്ള ലിപോസോമൽ ആംഫോട്ടെറിസിൻ -ബി കുത്തിവവെപ്പ്​ നിർമിക്കാൻ കേന്ദ്രസർക്കാർ കഴിഞ്ഞ മാസം അഞ്ച് കമ്പനികൾക്ക് ലൈസൻസ് നൽകിയിരുന്നു. ഗുരുതരാവസ്​ഥയിലുള്ള കോവിഡ്​ രോഗികളുടെ ജീവൻ രക്ഷിക്കാൻ സ്റ്റിറോയിഡുകൾ ഉപയോഗിക്കുന്നതാണ് മ്യൂക്കോമൈക്കോസിസ് ഉണ്ടാകാൻ കാരണമെന്ന് വിദഗ്​ധർ കരുതുന്നു.

അടുത്തിടെ പുറത്തുവന്ന റിപ്പോർട്ട് അനുസരിച്ച് കഴിഞ്ഞ ഏതാനും ആഴ്​ചകളായി രാജ്യത്ത് ബ്ലാക്ക്​ ഫംഗസ് കേസുകൾ 150 ശതമാനത്തിലധികം വർധിച്ചിട്ടുണ്ട്​. മണ്ണ്, സസ്യങ്ങൾ, വളം, ചീഞ്ഞളിഞ്ഞ പഴങ്ങൾ, പച്ചക്കറികൾ എന്നിവയിൽ സാധാരണയായി കാണപ്പെടുന്ന മ്യൂക്കോർ പൂപ്പലാണ് ഈ അപൂർവമായ അണുബാധ ഉണ്ടാക്കുന്നത്.

Show Full Article
TAGS:black fungus 
News Summary - Manufacture and sale of counterfeit drugs of black fungus; Seven people, including a doctor, have been arrested
Next Story