ബി.ജെ.പിയുമായുള്ള ചർച്ച നിഷേധിക്കാതെ അഭിഷേക്​ സിംഗ്​വി

ന്യൂഡല്‍ഹി: ബി.ജെ.പിയിലേക്ക് ചേക്കേറാന്‍ കേന്ദ്ര ആഭ്യന്തര മന്ത്രി അമിത് ഷായുമായി ചര്‍ച്ച നടത്തിയെന്ന പ്രചാരണം നിഷേധിക്കാതെ മുതിര്‍ന്ന സുപ്രീംകോടതി അഭിഭാഷകനായ കോണ്‍ഗ്രസ് വക്താവ് അഭിഷേക് മനു സിംഗ്​വി. ആര്‍.എസ്.എസിനെ നിരോധിക്കരുത് എന്ന നിലപാടില്‍ ഉറച്ചുനില്‍ക്കുകയാണെന്നും ഭീകര പ്രവര്‍ത്തനം നടത്താത്തിടത്തോളം ഒരു സംഘടനയെയും നിരോധിക്കരുതെന്നും അദ്ദേഹം കൂട്ടിച്ചേർത്തു.  

ആര്‍.എസ്.എസിനെ നിരോധിക്കുന്നതിനെ എതിര്‍ത്ത ട്വീറ്റാണ് ബി.ജെ.പി നേതാവി​​െൻറ മകനായ അഭിഷേക് മനു സിംഗ്​വിയുടെ ബി.ജെ.പി പ്രവേശന ചര്‍ച്ച സജീവമാക്കിയത്. ഇതിനിടെ അമിത് ഷായുമായി നത്തിയ ചര്‍ച്ചകളും സമൂഹമാധ്യമങ്ങളിലൂടെ പുറത്തുവന്നു.

ഈയിടെ ബി.ജെ.പിയിലേക്ക് ചേക്കേറിയ ജ്യോതിരാദിത്യ സിന്ധ്യയുടെ പിതാവും കോണ്‍ഗ്രസ് നേതാവുമായിരുന്ന മാധവറാവുസിന്ധ്യയാണ് ബി.ജെ.പി എം.പിയായിരുന്ന ലക്ഷ്മി മാള്‍ സിംഗ്​വിയുടെ മകനായ അഭിഷേക് മനു സിംഗ്​വിയെ കോണ്‍ഗ്രസിലേക്ക് അടുപ്പിച്ചത്