മാനസരോവർ റോഡ് വിവാദം: നേപ്പാളി​നു പിന്നിൽ​ മറ്റൊരുരാജ്യം -സൈനിക മേധാവി

ന്യൂഡൽഹി: പുതിയ കൈലാസ്​ മാനസരോവർ റോഡി​നെ കുറിച്ചുള്ള വിവാദത്തിന്​ നേപ്പാളി​നെ പ്രേരിപ്പിക്കുന്നത്​ മറ്റൊരുരാജ്യമാണെന്ന്​ കരസേനാ മേധാവി മനോജ് നരവനെ. നേപ്പാൾ ഈ വിഷയം “മറ്റൊരാളുടെ നിർദേശപ്രകാരം” ഉന്നയിച്ചതാകാമെന്നാണ്​​ ചൈനയുടെ ​പേരെടുത്ത്​ പറയാതെ മനോജ്​ നരവനെ ആരോപിച്ചത്​.

മാനസരോവറിലേക്ക്​ പോകുന്ന ഇന്ത്യൻ തീർഥാടകരുടെ യാത്രാ സമയം കുറയ്ക്കുന്നതിനായി ലിപുലേഖ് വഴിയാണ്​ ഇന്ത്യ പുതിയ റോഡ്​ നിർമിച്ചത്​. എന്നാൽ, തങ്ങളുടെ അതിർത്തി കൈയേറിയാണ്​ നിർമാണമെന്നാരോപിച്ച്​ നേപ്പാൾ പ്രതിഷേധവുമായി രംഗത്തെത്തിയിരുന്നു. നേപ്പാളി​​െൻറ മണ്ണിൽ ഇന്ത്യ എന്തെങ്കിലും നിർമാണ പ്രവർത്തനം നടത്തുന്നത് ഒഴിവാക്കണമെന്ന്​ അംബാസഡർ ആവശ്യപ്പെട്ടിരുന്നു. 

എന്നാൽ, പുതിയ റോഡ്​ ഇന്ത്യയിൽ തന്നെയാ​െ​ണന്നും അതിർത്തി കൈയേറിയിട്ടില്ലെന്നും കരസേന മേധാവി പറഞ്ഞു. “കാളി നദിയുടെ കിഴക്ക് പ്രദേശം തങ്ങളുടേതാണെന്നാണ്​ നേപ്പാൾ അംബാസഡർ പറഞ്ഞത്​. അതിൽ ഒരു തർക്കവുമില്ല. നദിയുടെ പടിഞ്ഞാറ് ഭാഗത്താണ് ഇന്ത്യ റോഡ് നിർമ്മിച്ചത്​. അവർ എന്തിനാണ് പ്രക്ഷോഭം നടത്തുന്നതെന്ന് എനിക്കറിയില്ല” -വെള്ളിയാഴ്​ച വെബിനാറിൽ സംസാരിക്കവെ മനോജ് നരവനെ പറഞ്ഞു.

മുമ്പൊരിക്കലും ഇതി​​െൻറ പേരിൽ പ്രശ്‌നങ്ങൾ ഉണ്ടായിട്ടില്ല. മറ്റൊരു രാജ്യത്തി​​െൻറ നിർദേശപ്രകാരമാണ്​ നേപ്പാൾ ഇപ്പോൾ ആരോപണമുന്നയിക്കുന്നതെന്ന്​ വിശ്വസിക്കാൻ കാരണമുണ്ട്. അതിനാണ്​ വളരെയധികം സാധ്യത -അദ്ദേഹം പറഞ്ഞു.

ഉത്തരാഖണ്ഡിലെ ഘടിയാബ്ഗറിൽനിന്ന് ലിപുലേഖിലേക്കാണ്​ 80 കിലോമീറ്റർ ദൈർഘ്യമുള്ള പുതിയ റോഡ് ഇന്ത്യ നിർമിച്ചത്​. പ്രതിരോധ മന്ത്രി രാജ്‌നാഥ് സിങ്​ കഴിഞ്ഞ ആഴ്ചയാണ്​ ഇത്​ ഉദ്ഘാടനം ചെയ്തത്​.