ഡൽഹിയിൽ കുടുംബത്തിലെ നാലു സ്​ത്രീകൾ ഉൾപ്പെടെ അഞ്ചുപേർ കൊല്ലപ്പെട്ട നിലയിൽ

ന്യൂഡൽഹി: കിഴക്കൻ ഡൽഹിയിൽ ഒരേ കുടുംബത്തിലെ നാലു സ്​ത്രീകളെയും സെക്യൂരിറ്റി ഗാർഡിനെയും കൊലപ്പെട്ട നിലയിൽ കണ്ടെത്തി. മ​ാനസരോവർ പാർക്ക്​ ഏരിയയിലെ  വസതിയിലാണ്​ അഞ്ചുപേരെ കൊല്ലപ്പെട്ടനിലയിൽ ക​ണ്ടെത്തിയത്​. ശനിയാഴ്​ച രാവിലെ ഏഴു മണിയോടെ ലഭിച്ച അജ്ഞാത ഫോൺ കോളിലൂടെയാണ്​​ കൊലപാതകവിവരം പൊലീസ്​ അറിയുന്നത്​. ഉൗർമിള(65), സംഗീത ഗുപ്​ത(43), നൂപുർ ജിന്ദാൽ(35), അജ്ഞലി ജിന്ദാൽ(33), സെക്യൂരിറ്റി ഗാർഡ്​ രാകേഷ്​(50) എന്നിവരാണ്​ കൊല്ലപ്പെട്ടത്​. 

കുടുംബത്തിലെ സ്വത്ത്​ തർക്കമാണ്​ ​കൂട്ട കൊലയിൽ കലാശിച്ചതെന്നാണ്​ പൊലീസ്​ നിഗമനം. സംഭവത്തിൽ പൊലീസ്​ അന്വേഷണം ആരംഭിച്ചു.