വഴിയരികിൽ അറുത്തുമാറ്റിയ തല കണ്ടെത്തിയ സംഭവം; കേസിൽ വഴിത്തിരിവ്​

ഹൈദരാബാദ്​: തെലങ്കാനയിൽ റോഡരികിൽ നിന്ന്​ അറുത്തുമാറ്റിയ നിലയിൽ തല കണ്ടെത്തിയ കേസിൽ വഴിത്തിരിവ്​. സി.സി.ടി.വി ദൃശ്യങ്ങളുടെ അടിസ്ഥാനത്തിൽ പൊലീസ്​ നടത്തിയ അന്വേഷണത്തിലാണ്​ കേസ്​ സംബന്ധിച്ച കൂടുതൽ വിവരങ്ങൾ പുറത്തു വന്നത്​. വ്യാഴാഴ്ചയാണ്​ അറുത്തുമാറ്റിയ തല റോഡരികിൽ കിടക്കുന്നുവെന്ന വിവരം വഴിയാത്രക്കാർ​ പൊലീസിനെ അറിയിച്ചത്​. തെലങ്കാനയിലെ ഖമ്മം ജില്ലയിലെ പള്ളിക്ക്​ സമീപമായിരുന്നു ഇത്​​.

തുടർന്ന്​ പൊലീസ്​ അന്വേഷണം ആരംഭിക്കുകയും ഗുഗുലോത്തു രാജു എന്നയാളാണ്​ കൊല്ലപ്പെട്ടതെന്ന്​ സ്ഥിരീകരിക്കുകയും ചെയ്​തു. പിന്നീട്​ പ്രദേശത്തെ സി.സി.ടി.വി കാമറകളിൽ പരിശോധന നടത്തിയപ്പോൾ തെരുവുനായയാണ്​ തല കൊണ്ടു വന്നിട്ടതെന്ന്​ ​കണ്ടെത്തി.

ഇയാളുടെ മറ്റ്​ ശരീരഭാഗങ്ങൾ റെയിൽവേ ട്രാക്കിൽ നിന്നും കണ്ടെടുക്കുകയും ചെയ്​തു​. ട്രെയിനിടിച്ചാണ്​ രാജു കൊല്ലപ്പെട്ടതെന്നാണ്​ പൊലീസ്​ നിഗമനം.