Begin typing your search above and press return to search.
exit_to_app
exit_to_app
Homechevron_rightNewschevron_rightIndiachevron_rightമുഖ്യമന്ത്രിയാകുമോ?...

മുഖ്യമന്ത്രിയാകുമോ? പാലം വന്നാല്‍ കടക്കുക തന്നെയെന്ന് പരീകര്‍

text_fields
bookmark_border
മുഖ്യമന്ത്രിയാകുമോ? പാലം വന്നാല്‍ കടക്കുക തന്നെയെന്ന് പരീകര്‍
cancel

പനാജി: ഗോവയില്‍ ബി.ജെ.പി അധികാരത്തില്‍ വന്നാല്‍ വീണ്ടും മുഖ്യമന്ത്രിയാകുമോ എന്ന ചോദ്യത്തിന് കേന്ദ്ര പ്രതിരോധ മന്ത്രിയും ഗോവ മുന്‍ മുഖ്യമന്ത്രിയുമായ മനോഹര്‍ പരീകറിന്‍െറ മറുപടി കൗതുകമുണര്‍ത്തുന്നതായി. പാലം വന്നാല്‍ കടക്കുകതന്നെ എന്നായിരുന്നു പരീകറിന്‍െറ പ്രതികരണം. പനാജിയില്‍ സ്ഥാനാര്‍ഥി സിദ്ധാര്‍ഫ് കുന്‍കൊലിയങ്കറിനൊപ്പം പത്രിക സമര്‍പ്പിക്കാനത്തെിയതായിരുന്നു അദ്ദേഹം.

കഴിഞ്ഞ ദിവസം ഗോവയില്‍ നടത്തിയ വാര്‍ത്തസമ്മേളനത്തില്‍, കേന്ദ്രമന്ത്രിയും ബി.ജെ.പി നേതാവുമായ നിതിന്‍ ഗഡ്കരി നടത്തിയ പ്രതികരണവും ഭാവിമുഖ്യമന്ത്രിയെ സംബന്ധിച്ച അഭ്യൂഹത്തിന് ആക്കം കൂട്ടുന്നതായിരുന്നു. ജനാധിപത്യ രീതിയില്‍ മുഖ്യമന്ത്രിയെ തെരഞ്ഞെടുക്കുമെന്ന് പറഞ്ഞ ഗഡ്കരി, വേണ്ടിവന്നാല്‍ കേന്ദ്രത്തില്‍നിന്ന് ആളെ കൊണ്ടുവരുമെന്നും പറഞ്ഞിരുന്നു. ഇതാണ് പരീകര്‍തന്നെ വീണ്ടും മുഖ്യമന്ത്രിയാകുമോയെന്ന ചോദ്യമുയരാന്‍ കാരണം. മറ്റൊരു കേന്ദ്രമന്ത്രിയായ ശ്രീപദ് നായികും ഗോവയില്‍നിന്നാണ്. എന്നാല്‍, ആവര്‍ത്തിച്ച് ചോദിച്ചിട്ടും ഇവരിലൊരാളുടെ പേര് പറയാന്‍ ഗഡ്കരി തയാറായില്ല.

അതേസമയം, മുഖ്യമന്ത്രി പദവി ഏറ്റെടുക്കാന്‍ തയാറാണെന്ന് ശ്രീപദ് നായിക് വ്യക്തമാക്കിയിട്ടുണ്ട്. നിലവിലെ മുഖ്യമന്ത്രി ലക്ഷ്മി കാന്ത് പര്‍സേക്കറും മത്സരരംഗത്തുണ്ട്.

Show Full Article
TAGS:Manohar Parrikar Goa Chief Minister 
News Summary - Manohar Parrikar For Goa Chief Minister Again
Next Story