ഭൂമി വിവാദം: മകനെ ന്യായീകരിച്ച്​ മനോഹർ പരീകർ

പനാജി: ഭൂമി രേഖകളിൽ നിയമവിരുദ്ധമായി മാറ്റം വരുത്തിയെന്ന കോൺഗ്രസ്​ ആരോപണത്തിന്​ മറുപടിയുമായിപ്രതിരോധമന്ത്രി മനോഹർ പരീകർ. മകനും ബിസിനസ്​ പങ്കാളിയും ചേർന്ന്​ വാങ്ങിയ ഭൂമിയുടെ രേഖകളിൽ മാറ്റം വരുത്തിയത്​ നിയമവി​േധയമായാണെന്നും പരീകർ പറഞ്ഞു. 

രേഖകളെല്ലാം കൃത്യമായി ഹാജരാക്കിയാൽ ഒരു ദിവസം കൊണ്ടുതന്നെ വാങ്ങിയ ഭൂമിയുടെ രേഖകളിൽ മാറ്റം വരുത്താമെന്ന്​ നിയമം പറയുന്നു. ഇതിൽ എന്താണ്​ അന്യായമായിട്ടുള്ളത്​. നിയമപരമായി മാറ്റം വരുത്തുക എന്നുള്ളത്​ ഒരാളു​ടെ മൗലിക അവകാശമാണെന്നും പരീകർ പറഞ്ഞു. 

മനോഹർ പരീകറി​​െൻറ മകൻ അഭിജിത്​ പരീകറും പങ്കാളി കൃഷ്​ണരാജ്​ സുകേർകറും 2013ൽ ഗോവയിലെ സാൻഗം ഉപജില്ലയിലെ നേത്രവാലി ഗ്രാമത്തിൽ ഭൂമി വാങ്ങിയിരുന്നു. വാങ്ങിയ ഭൂമിയുടെ രേഖകളിൽ മാറ്റം വരുത്തിയത്​ ഒരു ദിവസം കൊണ്ടാണെന്നും അതിന്​ മനോഹർ പരീകറും ബി.ജെ.പി നേതൃത്വത്തിലുള്ള സംസ്​ഥാന സർക്കാറും നിയമാനുസൃതമല്ലാതെ സഹായം ചെയ്​തുവെന്നും കോൺഗ്രസ്​ സെക്രട്ടറി ഗിരീഷ്​ ചോദംഗറും എ.​െഎ.സി.സി ജനറൽ സെക്രട്ടറി ദിഗ്​വിജയ്​ സിങ്ങും ആരോപിച്ചിരുന്നു. 

ഇത്തരത്തിൽ ഒരു ദിവസം കൊണ്ട്​ രേഖകളിൽ മാറ്റം വരുത്താനാകില്ല. സംസ്​ഥാനത്തെ ഭൂമി സംബന്ധിച്ച രേഖകളിലും ഇൗ മാറ്റം വരുത്തേണ്ടതുണ്ട്​. അതിന്​ നടപടി​ ക്രമങ്ങളുണ്ട്​. നിയമം കാറ്റിൽ പറത്തിയാണ്​ രേഖകൾ ഒരു ദിവസം കൊണ്ട്​ മാറ്റം വരുത്തിയതെന്നുമായിരുന്ന ആരോപണം.