Top
Begin typing your search above and press return to search.
keyboard_arrow_down
Login
exit_to_app
exit_to_app
Homechevron_rightNewschevron_rightIndiachevron_rightവിവരദോഷികളായ ​ചില...

വിവരദോഷികളായ ​ചില കോൺഗ്രസുകാരാണ്​ യു.പി.എ സർക്കാറിനെ വിമർശിക്കുന്നതെന്ന്​ മുൻ കേന്ദ്രമന്ത്രി മനീഷ്​ തിവാരി

text_fields
bookmark_border
വിവരദോഷികളായ ​ചില കോൺഗ്രസുകാരാണ്​ യു.പി.എ സർക്കാറിനെ വിമർശിക്കുന്നതെന്ന്​ മുൻ കേന്ദ്രമന്ത്രി മനീഷ്​ തിവാരി
cancel

ന്യൂഡൽഹി: മധ്യപ്രദേശിലും രാജസ്​ഥാനിലും പാർട്ടിയെ കുഴപ്പത്തിലാക്കിയ മൂപ്പിളമ തർക്കം മറ്റൊരു തലത്തിലേക്ക്​. കോൺഗ്രസി​​​െൻറ തകർച്ചക്ക്​ കാരണം രണ്ടാം യു.പി.എ സർക്കാറാണെന്ന്​ പാർട്ടി എം.പിമാരുടെ യോഗത്തിൽ യുവനേതാക്കൾ ഉന്നയിച്ച വിമർശനമാണ്​ ചേരിപ്പോര്​ രൂക്ഷമാക്കിയത്​.

വിമർശനങ്ങളെ തുടർന്ന്​ മൻമോഹൻ സിങ്​ മന്ത്രിസഭയിലുണ്ടായിരുന്ന അംഗങ്ങളും യുവനേതാക്കളും തമ്മിലുണ്ടായ വാക്​പോര്​ ട്വിറ്ററി​ലും തുടരുകയാണ്​.

ബി.ജെ.പിയെക്കാളേറെ യു.പി.എ സർക്കാറിനെ വിമർശിക്കുന്ന കോൺഗ്രസ്​ നേതാക്കൾക്കെതിരെ രൂക്ഷപ്രതികരണവുമായി രംഗത്തെത്തിയിരിക്കുകയാണ്​ മുൻ വാർത്താ വിതരണ പ്രക്ഷേപണ മന്ത്രി മനീഷ്​ തിവാരി.

'2004-2014 കാലഘട്ടത്തിൽ 10 വർഷത്തിലേറെക്കാലം ബി.ജെ.പി അധികാരത്തിലില്ലായിരുന്നു. ആ സമയത്ത്​ ഒരിക്കൽ പോലും അവർ വാജ്​പേയി സർക്കാറിനെ കുറ്റപ്പെടുത്തിയിട്ടില്ല. നിർഭാഗ്യവശാൽ ചില വിവരദോഷികൾ ബി.ജെ.പിക്കും എൻ.ഡി.എക്കുമെതിരെ പൊരുതാതെ മൻമോഹൻ സിങ്​ സർക്കാറിനെ പരിഹസിക്കുകയാണ്​. ഐക്യം വേണ്ടിടത്ത്​ അവർ വിഭജിക്കാനാണ്​ ശ്രമിക്കുന്നത്'- ശനിയാഴ്​ച മനീഷ്​ തിവാരി ട്വീറ്റ്​ ചെയ്​തു​.

ആഭ്യന്തര അട്ടിമറിയുടെ ഇരയാണ്​ മൻമോഹൻ സിങ്​ സർക്കാറെന്ന്​ മനീഷ് തിവാരി യു.പി.എയെ ശക്തമായി ന്യായീകരിച്ചിരുന്നു. ടുജി സ്​പെ​ക്​ട്രം അഴിമതി ആ​േരാപണവുമായി ബന്ധപ്പെട്ട്​ സി.എ.ജി വിനോദ്​ റായ്​ സമർപ്പിച്ച വ്യാജ റിപോർട്ടി​െൻറ ഇരയാവുകയായിരുന്നു സർക്കാറെന്നും അദ്ദേഹം പറഞ്ഞു.

അധികാരത്തിൽ നിന്നിറങ്ങി ആറുവർഷത്തിന്​ ശേഷവും കോൺഗ്രസി​െൻറ നേതൃത്വത്തിലുള്ള യു.പി.‌എക്കെതിരായ ഒരു കുറ്റവും നിയമത്തി​െൻറ മുന്നിലെത്തിയിട്ടില്ലെന്ന്​ മനീഷ്​ തിവാരി പറഞ്ഞിരുന്നു.

മൂന്ന്​ മണിക്കൂർ നീണ്ടുനിന്ന എം.പിമാരുടെ യോഗത്തിൽ നേരിട്ട വിമർശനങ്ങളോട്​ മുൻ പ്രധാനമന്ത്രി മൻമോഹൻ സിങ്​ പ്രതികരിച്ചില്ല.

ലോക്​സഭ തെരഞ്ഞെടുപ്പിൽ നേരിട്ട കനത്ത തോൽവിക്ക്​ ശേഷം കോൺഗ്രസിന്​ ഇതുവരെ നേരെ നിൽക്കാൻ സാധിച്ചിട്ടില്ല. പാർട്ടിയുടെ വലിയ പ്രതീക്ഷയായിരുന്ന മധ്യപ്രദേശിലെ യുവനേതാവ്​ ജ്യോദിരാദിത്യ സിന്ധ്യ സർക്കാറിനെ താഴെയിട്ട്​ പാർട്ടി വിട്ടു.

കാര്യങ്ങൾ ഒരുവിധം നേരെയായി വരുന്നതിനിടെ രാജസ്​ഥാൻ മുഖ്യമന്ത്രി അശോക്​ ഗെഹ്​ലോട്ടി​നെതിരെ നേരിട്ട്​ ഏറ്റുമുട്ടുകയാണ്​ സചിൻ പൈലറ്റ്​. അതിനിടെയാണ്​ യുവനേതാക്കളും പഴയ പടക്കുതിരകളും തമ്മിലുള്ള തർക്കം രൂക്ഷമായി മാറിയത്​.

Show Full Article
TAGS:Manish Tewari congress UPA govt Dr. Manmohan Singh BJP vajpayee 2G scam 
Next Story