ഭീതി മാറാതെ മണിപ്പൂർ

ഇം​ഫാ​ൽ: ബു​ധ​നാ​ഴ്ച മു​ത​ൽ അ​ക്ര​മ​സം​ഭ​വ​ങ്ങ​ൾ അ​ര​ങ്ങേ​റി​യ മ​ണി​പ്പൂ​രി​ലേ​ക്ക് കൂ​ടു​ത​ൽ സേ​ന​യെ വി​ന്യ​സി​ച്ച് സ​മാ​ധാ​നം തി​രി​കെ കൊ​ണ്ടു​വ​രാ​ൻ ശ്ര​മം. വെ​ള്ളി​യാ​ഴ്ച പകൽ കൂ​ടു​ത​ൽ അ​ക്ര​മ​ങ്ങ​ൾ റി​പ്പോ​ർ​ട്ട് ചെ​യ്തി​ട്ടി​ല്ലെ​ങ്കി​ലും ഇം​ഫാ​ൽ താ​ഴ്വ​ര​യി​ലും സ​മീ​പ​ങ്ങ​ളി​ലും ഭീ​തി​യു​ടെ അ​ന്ത​രീ​ക്ഷം തു​ട​രു​ക​യാ​ണ്. താ​ഴ്വ​ര​യു​ടെ ചു​റ്റു​മു​ള്ള പ​ർ​വ​ത ജി​ല്ല​ക​ളി​ൽ​നി​ന്ന് സാ​യു​ധ സം​ഘ​ങ്ങ​ളും സു​ര​ക്ഷാ​സേ​ന​യും ത​മ്മി​ൽ ഏ​റ്റു​മു​ട്ട​ൽ തു​ട​രു​ക​യാ​ണെ​ന്ന ആ​ശ​ങ്ക​യേ​റ്റി വെ​ടി​യൊ​ച്ച​ക​ൾ കേ​ട്ട​താ​യി മാ​ധ്യ​മ​ങ്ങ​ൾ റി​പ്പോ​ർ​ട്ടു ചെ​യ്തു. അ​തേ​സ​മ​യം, മ​ര​ണം ന​ട​ന്ന​താ​യി വി​വ​ര​മി​ല്ല. ഭൂ​രി​പ​ക്ഷ മെ​യ്തേ​യി സ​മു​ദാ​യ​വും ഗോ​ത്ര സ​മൂ​ഹ​ങ്ങ​ളാ​യ നാ​ഗ, കു​ക്കി​ക​ളും ത​മ്മി​ൽ ബു​ധ​നാ​ഴ്ച മു​ത​ൽ പൊ​ട്ടി​പ്പു​റ​പ്പെ​ട്ട അ​ക്ര​മ​ങ്ങ​ൾ അ​ടി​ച്ച​മ​ർ​ത്താ​ൻ ക​ര​സേ​ന​യു​ടെ​യും അ​സം റൈ​ഫി​ൾ​സി​ന്റെ​യു​മാ​യി 10,000 ഓ​ളം സൈ​നി​ക​രെ​യാ​ണ് വി​ന്യ​സി​ച്ച​ത്. 9000ലേ​റെ ജ​ന​ങ്ങ​ൾ ​ഗ്രാ​മ​ങ്ങ​ളി​ൽ​നി​ന്ന് പ​ലാ​യ​നം ചെ​യ്തു. മ​ണി​പ്പൂ​രി​ലേ​ക്കു​ള്ള ട്രെ​യി​ൻ സ​ർ​വി​സു​ക​ൾ നി​ർ​ത്തി​വെ​ച്ചു.

ഇം​ഫാ​ൽ വെ​സ്റ്റ് ജി​ല്ല​യി​ലെ ലം​ഗോ​ളി​ൽ​നി​ന്ന് ക​ര​സേ​ന​യു​ടെ സി​ഖ് റെ​ജി​മെ​ന്റി​ന്റെ നേ​തൃ​ത്വ​ത്തി​ൽ അ​ഞ്ഞൂ​റോ​ളം പേ​രെ സു​ര​ക്ഷി​ത സ്ഥാ​ന​ത്തേ​ക്ക് മാ​റ്റി.

അ​സ​മി​ലെ ര​ണ്ടു വ്യോ​മ​കേ​ന്ദ്ര​ങ്ങ​ളി​ൽ​നി​ന്ന് ഇ.17 ​ഗ്ലോ​ബ്മാ​സ്റ്റ​ർ, എ.​എ​ൻ 32 വി​മാ​ന​ങ്ങ​ളി​ലാ​യി സേ​നാം​ഗ​ങ്ങ​ളെ വി​വി​ധ മേ​ഖ​ല​ക​ളി​ൽ വി​ന്യ​സി​ച്ചു​വ​രു​ക​യാ​ണെ​ന്ന് പ്ര​തി​രോ​ധ മ​ന്ത്രാ​ല​യ വ​ക്താ​വ് അ​റി​യി​ച്ചു. മെ​യ്തേ​യി സ​മു​ദാ​യ​ത്തി​ന് പ​ട്ടി​ക​വ​ർ​ഗ പ​ദ​വി ന​ൽ​കാ​നു​ള്ള നീ​ക്ക​ത്തി​നെ​തി​രെ ​ഗോ​ത്ര​സ​മൂ​ഹ​ങ്ങ​ൾ ആ​ഹ്വാ​നം ചെ​യ്ത പ്ര​തി​ഷേ​ധ​ത്തി​നു പി​ന്നാ​ലെ ബു​ധ​നാ​ഴ്ച​യാ​ണ് സം​സ്ഥാ​ന​ത്ത് അ​ക്ര​മ​വും കൊ​ള്ളി​വെ​പ്പും അ​ര​ങ്ങേ​റി​യ​ത്.