മണിപ്പൂരിൽ സമാധാനത്തിന് ആർ.എസ്.എസിന്റെ ചർച്ച

ന്യൂ​ഡ​ൽ​ഹി: ക​ലാ​പം തു​ട​രു​ന്ന മ​ണി​പ്പൂ​രി​ൽ സ​മാ​ധാ​നം തി​രി​ച്ചു​കൊ​ണ്ടു​വ​രാ​നു​ള്ള പ്ര​വ​ർ​ത്ത​ന​ത്തി​ലാ​ണ് ത​ങ്ങ​ളെ​ന്ന് ആ​ർ.​എ​സ്.​എ​സ്. മെ​യ്തെ​യ്- കു​ക്കി വി​ഭാ​ഗ​ങ്ങ​ളു​മാ​യി കേ​ന്ദ്ര സ​ർ​ക്കാ​ർ ച​ർ​ച്ച​ക​ൾ തു​ട​രു​ന്ന​തി​നി​ടെ​യാ​ണ് വം​ശീ​യ സം​ഘ​ർ​ഷ​ത്തി​ന് അ​ന്ത്യം കാ​ണാ​നു​ള്ള പ്ര​വ​ർ​ത്ത​ന​ത്തി​ൽ ത​ങ്ങ​ളും പ​ങ്കാ​ളി​ക​ളാ​ണെ​ന്ന് ആ​ർ.​എ​സ്.​എ​സ് പ്ര​ചാ​ര​ണ വി​ഭാ​ഗം ചു​മ​ത​ല​യു​ള്ള സു​നി​ൽ അം​ബേ​ക്കർ അ​റി​യി​ച്ച​ത്.

മെ​യ്തെ​യ്ക​ളും കു​ക്കി​ക​ളു​മാ​യി ആ​ർ.​എ​സ്.​എ​സ് ആ​ശ​യ​വി​നി​മ​യം തു​ട​ങ്ങി​യെ​ന്നും സാ​ഹ​ച​ര്യ​ങ്ങ​ൾ മോ​ശ​മാ​യ ഒ​രു സ്ഥ​ല​ത്ത് ഒ​രു ദി​വ​സം​കൊ​ണ്ട് എ​ല്ലാം ശ​രി​യാ​വി​ല്ലെ​ന്നും സു​നി​ൽ പ​റ​ഞ്ഞു.

ഇ​രു വി​ഭാ​ഗ​ങ്ങ​ളു​മാ​യും ന​ട​ത്തി​യ ആ​ശ​യ വി​നി​മ​യ​ത്തി​ൽ​നി​ന്ന് പ​രി​ഹാ​ര​മു​ണ്ടാ​കു​മെ​ന്നാ​ണ് വ്യ​ക്ത​മാ​കു​ന്ന​തെ​ന്നും ആ​ർ.​എ​സ്.​എ​സ് നേ​താ​വ് പ​റ​ഞ്ഞു. മ​ണി​പ്പൂ​ർ സം​ഘ​ർ​ഷം ആ​ർ.​എ​സ്.​എ​സി​ന്റെ പ്രാ​ന്ത പ്ര​ചാ​ര​ക് ബൈ​ഠ​ക് ച​ർ​ച്ച ചെ​യ്തു​വെ​ന്നും അ​ദ്ദേ​ഹം പ​റ​ഞ്ഞു.

കഴിഞ്ഞ വർഷത്തേക്കാൾ മണിപ്പൂരിൽ സാധാരണ നില തിരിച്ചെത്തിത്തുടങ്ങിയതായി സുനിൽ അംബേദ്ക്ർ പറഞ്ഞു. ഇത് സമാധാനത്തിന്റെ തുടക്കമാണെന്നും ഇരുവശത്തുനിന്നും സംഭാഷണങ്ങൾ നടക്കുന്നുണ്ടെന്നും അദ്ദേഹം കൂട്ടിച്ചേർത്തു.

കേന്ദ്ര-സംസ്ഥാന സർക്കാരുകൾക്കു പുറമെ മണിപ്പൂരിലെ കുക്കി, മെയ്‌തെയ് സമുദായങ്ങളുടെ പ്രതിനിധികൾക്കിടയിൽ സംഭാഷണങ്ങൾ നടത്തുന്നുണ്ടെന്നും അദ്ദേഹം വ്യക്തമാക്കി.