തരംതാഴ്​ന്നവനെന്ന ആ​ക്ഷേപത്തിന്​ മറുപടി വോട്ടിലൂ​െട- മോദി

സൂറത്ത്​: പ്രധാനമന്ത്രി നരേന്ദ്രമോദി തരംതാഴ്​ന്നവനും സംസ്​കാരമില്ലാത്തവനുമെന്ന കോൺഗ്രസ്​ നേതാവ്​ മണിശങ്കർ അയ്യരുടെ പ്രസ്​താവനക്ക്​ മറുപടിയുമായി മോദി. 
‘‘അവ​ർ തന്നെ തരംതാഴ്​ന്നവനെന്ന്​ വിളിക്കുന്നു. എന്നാൽ നമ്മൾ അതിനോട്​ പ്രതികരിക്കുന്നില്ല. അത്തരമൊരു മനസ്ഥിതി ഞങ്ങൾക്കില്ല.  ഡിസംബർ ഒമ്പതിനും 14 നും നടക്കുന്ന വോ​െട്ടടുപ്പിലൂടെ  കോൺഗ്രസുകാരോട്​ ഇതിന്​ ഞങ്ങൾ മറുപടി പറയും’’- മോദി സൂറത്തിൽ പറഞ്ഞു. സൂറത്തിലെ തെരഞ്ഞെടുപ്പ്​ പ്രചരണ റാലിയിൽ സംസാരിക്കുകയായിരുന്നു അദ്ദേഹം. 
‘‘തരംതാഴ്​ന്നവനെന്ന്​ അവഹേളിക്കാനുള്ള അവരുടെ മനസ്ഥിതിയെ അഭിനന്ദിക്കുന്നു.
നിങ്ങൾ മുഖ്യമന്ത്രിയായും പ്രധാനമന്ത്രിയായും എന്നെ കണ്ടിട്ടുണ്ട്​. ഞാൻ എന്തെങ്കിലും നാണംകെട്ട കാര്യങ്ങൾ ചെയ്​തിട്ടുണ്ടോ​? ഇല്ലെങ്കിൽ അവർ എന്തിനാണ്​ എന്നെ തരംതാഴ്​ന്നവനെന്ന്​ വിളിക്കുന്നത്​’’- പ്രധാനമന്ത്രി ചോദിച്ചു. 

മോദി സംസ്​കാരമില്ലാത്ത തരംതാഴ്​ന്ന വ്യക്തിയാണെന്നും വിലകുറഞ്ഞ രാഷ്​ട്രീയം കളിക്കുന്നയാളാണെന്നുമായിരുന്നു മണിശങ്കർ അയ്യരുടെ പ്രസ്​താവന. 

അതേസമയം, മണിശങ്കർ അയ്യ​രുടെ പരാമർശത്തിനെതിരെ കേന്ദ്രമന്ത്രി രവിശങ്കർ പ്രസാദും​ രംഗത്തെത്തി. നമ്മുടെ പ്രധാനമന്ത്രിയെ തരംതാഴ്​ന്നവനെന്നാണ്​ അയ്യർ വിശേഷിപ്പിച്ചത്​. എന്നാൽ പ്രധാനമന്ത്രി മോദി ഇന്ത്യയുടെ അഭിമാനമാണെന്നും രവിശങ്കർ പ്രതികരിച്ചു. കോൺഗ്രസ്​ നേതാക്കൾ മുഗൾ രാജകാലത്തെ മസസ്ഥിയിലാണ്​ ഇപ്പോഴും സംസാരിക്കുന്നതെന്നും രവിശങ്കർ തുറന്നടിച്ചു.