സുൽത്താൻപൂരി​െല പ്രസംഗം: മനേകാ ഗാന്ധിക്ക്​ കാരണം കാണിക്കൽ നോട്ടീസ്​

സുൽത്താൻപുർ: ഉത്തര്‍ പ്രദേശിലെ സുല്‍ത്താന്‍പൂരില്‍ വോട്ട് ചോദിക്കുന്നതിനിടെ മുസ്‍ലിംകളെ ഭീഷണിപ്പെടുത്തിയ കേന്ദ്രമന്ത്രി മനേക ഗാന്ധിക്ക്​ കാരണം കാണിക്കൽ നോട്ടീസ്​. സുൽത്താൻപുർ ജില്ലാ മജിസ്​ട്രേറ്റാണ്​ നോട്ടീസ്​ അയച്ചത്​. തനിക്ക്​ വോട്ട് ചെയ്തില്ലെങ്കില്‍ ജനപ്രതിനിധി എന്ന നിലയില്‍ തന്‍റെ സഹായം ലഭിക്കില്ലെന്ന മനേകയു​െട പ്രസ്​താവനയിലാണ്​ നോട്ടീസ്​ അയച്ചത്​.

മനേകാഗാന്ധിയു​െട പ്രസ്​താവന തെരഞ്ഞെടുപ്പ്​ കമീഷൻ ശ്രദ്ധയിൽ ​െപട്ടിട്ടുണ്ട്​. ജില്ലാ മജിസ്​ട്രേറ്റ്​ സംഭവവുമായി ബന്ധ​െപ്പട്ട്​​ നോട്ടീസ്​ അയച്ചു കഴിഞ്ഞു. തെരഞ്ഞെടുപ്പ്​ കമീഷന്​ ഇതുമായി ബന്ധപ്പെട്ട്​ റിപ്പോർട്ടും അയച്ചിട്ടുണ്ടെന്ന്​ അഡീഷണൽ ചീഫ്​ ഇലക്​ഷൻ ഓഫീസർ അറിയിച്ചു.

തനിക്ക്​ വോട്ട്​ ​െചയ്യാത്ത മുസ്​ലീംകൾ പിന്നീട്​ ഒരു കാര്യത്തിനും സമീപിക്കേണ്ടതില്ല എന്ന രീതിയിലായിരുന്നു മനേകയുടെ പ്രസംഗം. ‘ജനങ്ങളുടെ സ്​നേഹവും പിന്തുണയും ഉള്ളത്​ കൊണ്ട്​ ഞാൻ ഇവിടെ എന്തായാലും വിജയിക്കും. എന്നാൽ മുസ്‍ലിംകളുടെ വോട്ട് ഇല്ലാതെയാണ് വിജയിക്കുന്നതെങ്കിൽ അത് എന്നെ സംബന്ധിച്ചിടത്തോളം അത്ര സുഖകരമായ കാര്യമല്ല. ചിലപ്പോൾ അനുഭവം മോശമായേക്കാം. എന്തെങ്കിലും ആവശ്യത്തിന് പിന്നീട്​ മുസ്‍ലിംകള്‍ എന്നെ സമീപിച്ചാൽ അപ്പോൾ ഒന്ന്​ ആലോചിക്കേണ്ടി വരും. എല്ലാം അങ്ങോട്ടും ഇങ്ങോട്ടും വേണമല്ലോ. നമ്മളാരും മഹാത്മ ഗാന്ധിയുടെ മക്കളല്ല. നിങ്ങളുടെ വോട്ട്​ ഇല്ലെങ്കിലും ഞാൻ വിജയിക്കും’ -മനേക ഗാന്ധി വ്യക്​തമാക്കി.

സുല്‍ത്താന്‍പൂരിലെ തുറാക്ബാനി മേഖലയിലാണ്​ മനേക ഗാന്ധി പ്രസംഗിച്ചത്​. നിരവധി മുസ്​ലിം മത വിശ്വാസികളും അവരുടെ പ്രസംഗം കേൾക്കാനായി തടിച്ചുകൂടിയിരുന്നു. വീഡിയോ ഇപ്പോൾ സമൂഹ മാധ്യമങ്ങളിൽ പ്രചരിക്കുന്നുണ്ട്.

ഇത്തവണ മകന്‍ വരുണ്‍ ഗാന്ധിയുമായി മനേക ഗാന്ധി ലോക്‌സഭാ സീറ്റ് വെച്ചുമാറുകയായിരുന്നു. കഴിഞ്ഞ തവണ വരുണ്‍ സുല്‍ത്താന്‍പൂരിലും മനേക പിലിഭിത്തിലുമാണ് ജനവിധി തേടിയത്.