ഡൽഹി കലാപം: പൊലീസിനെതിരെ തോക്കുചൂണ്ടിയ അക്രമി അറസ്​റ്റിൽ

ന്യൂഡൽഹി: വടക്കുകിഴക്കൻ ഡൽഹിയിലുണ്ടായ കലാപത്തിൽ പൊലീസുകാർക്കെതിരെ തോക്ക്​ ചൂണ്ടിയ അക്രമി അറസ്​റ്റിൽ. ഡൽഹി കർവാൾ സ്വദേശി ഷാരൂഖാണ്​(33) അറസ്​റ്റിലായത്​. ഉത്തർപ്രദേശിൽ ഷാംലി ജില്ലയില്‍ നിന്നാണ്​ ഇയാളെ ക്രൈം ബ്രാഞ്ച്​ അറസ്​റ്റു ചെയ്​തത്​.

ഫെബ്രുവരി 24ന്​ നടന്ന കലാപത്തിനിടെ ​ചുവന്ന ടീ ഷർട്ട്​ ധരിച്ചെത്തിയ ഇയാൾ പൊലീസിന്​ വെക്കുന്ന ദൃശ്യങ്ങൾ ടെലിവിഷൻ ചാനലുകളിൽ പ്രചരിച്ചിരുന്നു. പൊലീസിന്​ മുന്നിൽ വെച്ച്​ ഇയാൾ പ്രദേശവാസികൾക്ക്​ നേരെ നിരവധി തവണ വെടിയുതിർത്തു.
സംഘര്‍ഷം നടന്ന സ്ഥലത്ത്​ നിന്നും മൊബൈലിൽ പകർത്തിയ ദൃശ്യങ്ങളിൽ ദീപക് ദഹിയ എന്ന പൊലീസുകാരന്‍ നിരായുധനായി ഷാരൂഖിനെ തടയുന്നതും വ്യക്തമായിരുന്നു.

പൊലീസിനെതിരെ വെടിയുതിര്‍ത്ത സംഭവത്തില്‍ നേര​ത്തെ സംശയത്തി​​െൻറ പേരില്‍ ഒരാളെ പിടികൂടിയിരുന്നു. എന്നാല്‍ നിരപരാധിയെന്ന് കണ്ട് വെറുതെവിട്ടു.