Begin typing your search above and press return to search.
proflie-avatar
Login
exit_to_app
exit_to_app
Homechevron_rightNewschevron_rightIndiachevron_rightഹൈദരാബാദിൽ...

ഹൈദരാബാദിൽ ​വെള്ളക്കെട്ടിലൂടെ ആൾ ഒലിച്ചുപോയി; രക്ഷിക്കാൻ ശ്രമിക്കുന്നതി​െൻറ ദൃശ്യങ്ങൾ വൈറൽ

text_fields
bookmark_border
ഹൈദരാബാദിൽ ​വെള്ളക്കെട്ടിലൂടെ ആൾ ഒലിച്ചുപോയി; രക്ഷിക്കാൻ ശ്രമിക്കുന്നതി​െൻറ ദൃശ്യങ്ങൾ വൈറൽ
cancel

ഹൈദരാബാദ്: ന്യൂനമർദ്ദത്തെ തുടർന്നുള്ള മൂന്നു ദിവസമായി തുടരുന്ന കനത്തമഴയിൽ വെള്ളപ്പൊക്ക കെടുതി നേരിട്ട്​ തെലങ്കാന. വെള്ളപ്പൊക്ക കെടുതി ഏറ്റവും മോശമായി ബാധിച്ച ജില്ലകളിലൊന്നായ ഹൈദരാബാദിൽ റോഡിലൂടെയുള്ള മഴവെള്ളപാച്ചിലിൽ ഒരാൾ ഒലിച്ചു പോകുന്ന ദൃശ്യമാണ്​ സാമൂഹിക മാധ്യമങ്ങളിൽ വ്യാപകമായി പ്രചരിക്കുന്നത്​.

ബർകാസിനും ഫാലക്​നുമക്കും ഇടയിൽ റോഡിലൂടെ കുത്തിയൊലിക്കുന്ന വെള്ളത്തിൽ ഒരാൾ ഒലിച്ചുപോകുന്നതും രക്ഷിക്കാനുള്ള ശ്രമങ്ങളുമാണ്​ വിഡിയോയിലുള്ളത്​. റോഡിലൂടെ ഒലിച്ചുവരുന്നയാളെ രക്ഷപ്പെടുത്താൻ കെട്ടിടത്തതിന്​ മുകളിലുള്ളവർ കയറും ടയറും എല്ലാം ഇട്ടുകൊടുക്കുന്നുണ്ടെങ്കിലും ശക്തിയേറിയ വെള്ളപാച്ചിലിൽ അയാൾക്ക്​ രക്ഷപ്പെടാൻ കഴിയുന്നില്ല. റോഡി​െൻറ ഉയർന്നഭാഗത്ത്​ കടകളുടെ ഷട്ടറിനോട്​ ചേർന്ന്​ രണ്ടുപേർ കുടുങ്ങികിടക്കുന്നതും ദൃശ്യത്തിലുണ്ട്​. എന്നാൽ പിന്നീട്​ ഇയാളെ രക്ഷിക്കാൻ കഴിഞ്ഞോ എന്നത്​ വ്യക്തമല്ല.

തെലങ്കാനയിലെ ഹൈദരാബാദ്​ നിരവധി ​പ്രദേശങ്ങൾ വെള്ളത്തിനടിയിലാണ്​. നഗരത്തിൽ കനത്ത മഴ തുടരുകയാണ്​.ഹൈദരാബാദി​െൻറ പ്രാന്ത പ്രദേശത്ത്​ വെള്ളക്കെട്ടിൽപെട്ട കാർ ഒഴുകി പോകുന്നതി​െൻറ ദൃശ്യങ്ങളും വ്യാപകമായി പ്രചരിക്കുന്നുണ്ട്​. ജനവാസ പ്രദേശത്ത്​ നിർത്തിയിട്ട കാറുകൾ കുത്തൊഴുക്കിൽ ഒലിച്ചുപോകുന്നത്​ ദ​ൃശ്യങ്ങളിൽ വ്യക്തമാണ്​.

ബംഗാൾ ഉൾക്കടലിൽ രൂപം കൊണ്ട തീവ്രന്യൂന മർദം ആന്ധ്രതീരം വഴി കരയിലേക്ക്​ അടുത്തതോടെയാണ് കനത്തമഴയും കാറ്റും അനുഭവപ്പെട്ടത്​​. ​

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:TelanganaHyderabadfloodMan washed away
Next Story